Azərbaycan Respublikasının Mədəniyyət Nazirliyinin təşkilatçılığı ilə 27-29 sentyabr tarixində Bakı İdman Sarayında VI Bakı Beynəlxalq Kitab-Sərgi Yarmarkası keçiriləcəkdir. Yarmarkanın təşkilində məqsəd ölkədə kitaba, mütaliəyə marağın daha da artırılması, Azərbaycan kitab mədəniyyətinin dünyaya tanıdılması, həmçinin yerli və xarici nəşriyyatlar, kitab evləri arasında əməkdaşlıq imkanlarının yaradılmasıdır. Sərgi-yarmarkada Azərbaycanın 100-dək nəşriyyat-poliqrafiya müəssisəsi ilə yanaşı, 20-dən çox xarici nəşriyyat və yayım evlərinin, milli kitabxanaların və tanınmış ədəbiyyat xadimlərinin iştirakı gözlənilir.

Sərgi-yarmarkaya ziyarətçi kimi giriş sərbəstdir.