2018-ci ilin qaynanası 40 il öncəki qaynanadan çox fərqlənir. Müasir qaynana oliqarxlardan birinin həyat yoldaşıdır. Lüks həyat yaşayan Cananın günü masaj salonlarında, şoppinqdə keçir. Amma buna baxmayaraq, o da əksər qaynanalar kimi övladının seçiminə müdaxilə etməyi sevir. Belə ki, oğlu Fuad evlərində çalışan qulluqçunun qızı ilə ailə qurmaq istəsə də, Canan qətiyyətlə etiraz edərək ailələrinə uyğun olmadığını bildirir. Fuad isə dayısı oğlu Şöhrətdən kömək istəyir. Onlar 40 il öncəki filmdə qaynanaya saxta gəlini təqdim etmiş İlqarla görüşürlər. İlqar əcnəbi gəlin Mufitanı Canana Atruba kralının qızı kimi təqdim edir. Və bütün macəralar da elə bundan sonra başlayır.