Dünya şöhrətli Sadhquru Bakıda mühazirə deyəcək

Sadhqurunun yeni kitabının imzalanma mərasimi və satışı da olacaq

Bakucity.az xəbər verir ki, Noyabrın 10-da məşhur hindistanlı yoqin və mistik Sadhquru (Sadhguru) Heydər Əliyev Mərkəzində ilk dəfə mühazirə ilə çıxış edəcək. Onun izləyiciləri ilə görüşü “Mənəvi quruculuq: gümrahlığın texnologiyaları” mövzusunda olacaq.

“Mənəvi quruculuq: gümrahlığın texnologiyaları” dərin və davamlı şəxsi transformasiyadan keçmək üçün qədim yoqa elmindən əldə edilən hərtərəfli bir sistemdir. Bu, insanın bədəni, ağılı, duyğuları və enerjisini pik nöqtədə, tam harmoniyada birləşdirmə üsuludur, hər hansı bir fiziki hazırlıq və ya yoqa haqda bilik tələb etmir, asanlıqla istənilən həyat tərzinə inteqrasiya etmək mümkündür.

Mühazirə zamanı bədən və emosiyalara, insanın daxili enerjisinə müdrikliklə nəzarət etmək vasitələri barədə danışılacaq, auditoriyanın suallarına cavab veriləcək.

Tədbir çərçivəsində Sadhqurunun yeni kitabının imzalanma mərasimi və satışı da olacaq.

Bakucity.az