"Zirə" klubunun baş məşqçisi istefa verdi

Futbol üzrə Azərbaycan Premyer Liqasında yeni mövsümün ilk baş məşqçi istefası gerçəkləşib. 

"Report"un məlumatına görə, Ayxan Abbasov öz istəyi ilə “Zirə”dən ayrılıb. Klub rəhbərliyi ilə görüşən mütəxəssis qeydə alınan nəticələri əsas gətirərək, istefasının qəbul olunmasını xahiş edib. A.Abbasov komandaya yeni nəfəsin gərəkli olduğunu bildirib. Bunları nəzərə alan klub rəhbərliyi baş məşqçinin istefasını qəbul edib. 

Kluba Avropa Liqasına vəsiqə qazandıran və bu yarışda mərhələ adlamasına nail olan A.Abbasova “Zirə”nin inikşafındakı xidmətləri qarşılığında minnətdarlıq edilib, ona gələcək karyerasında uğurlar arzulanıb.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər