Qurban Qurbanov: "Azarkeşlər heç vaxt bizi tək qoymayıblar"

“Bu mərhələdə son oyunumuzdur. Çox yaxşı müdafiə olunmağı bacaran, hücumlar təşkil edə bilən rəqibə qarşı oynayırıq. Həddindən artıq soyuqqanlı olaraq öz oyunumuzu oynamalıyıq”.

“Report”un məlumatına görə, bunu “Qarabağ”ın baş məşqçisi Qurban Qurbanov Moldovanın “Şerif” komandası ilə Avropa Liqasının pley-off mərhələsinin cavab oyunundan əvvəl deyib.

46 yaşlı mütəxəssis “Azərsun Arena”da təşkil edilən mətbuat konfransında jurnalistlərin suallarını da cavablandırıb:

- Zubirin durumu nə yerdədir?

- Onunla bağlı sabah qərar veriləcək. Nisbətən yaxşılaşıb.

- Komandanın hücum potensialı sabah qol vurmağa imkan verəcək?

- Qol vurmaq lazımdır. Bunun üçün hücumda aktiv olacağıq. Bunun üzərində çalışmışıq.

- İstər “Kukesi”, istərsə də BATE ilə matçlarda “Qarabağ” qol vurmaq məcburiyyətində qalanda futbolçularda həyəcan hiss olunur...

- Həyəcan ildən-ilə çoxalır. Komanda uğur qazanırsa, ondan daha artığı gözlənilir. Nəticə verən komandalara rəqiblər daha ciddi hazırlaşırlar. Futbolçular üçün asan deyil. Bu, normal haldır. Həyəcanı olmayan insan yoxdur. Təzyiq varsa, bu da olacaq. Məğlub olmağı deyil, qalib gəlməyi düşünürük.

- Oyuna cəmi 13 min bilet satılıb. Azarkeşlərə ismarıcınız var?

- Azarkeşlər heç vaxt bizi tək qoymayıblar. Cəmi 13 min olacağını düşünmürəm.

- Millinin toplanışını “Qarabağ”ın oyunundan sonraya salmaq olmazdı?

- Narahat olacaq bir şey yoxdur. Hər şey nəzarətimizdədir. Bütün futbolçular gəldikdən sonra istədiyimiz kimi hazırlaşacağıq.

- Filip Ozobiç Azərbaycan çempionatında yaxşı oynasa da, avrokuboklarda eyni keyfiyyəti görmürük. Bu barədə nə düşünürsünüz?

- Tam fərqli turnirlərdir. Tək Ozobiçin deyil, başqa futbolçuların da problemləri oldu. Amma hamısı oyundan-oyuna daha yaxşı çıxış edəcəklər.

- Bilet satışının zəif olması tribunalarda bəzi polislərin azarkeşlərlə düzgün rəftar etməməsi ilə bağlı ola bilər?

- Hər yerdə azarkeşlərlə polis arasında problem olur. Diləyimiz odur ki, olmasın. Bilet satışının hələlik zəif olmasının bununla bağlı olduğunu düşünmürəm.

- Rəşad Sadıqovun səhvləri öz yerində, Maksim Medvedev və Bədavi Hüseynov da əvvəlki illərlə müqayisədə zəif təsir bağışlayırlar. Müdafiə xəttində dəyişiklik gözlənilir?

- Oyunçu dəyişikliyi yox, oyunda dəyişiklik olacağını düşünürəm. Məğlub olanda bu cür fikirlər çoxalır. Bu klubun uğurlarında ən böyük pay sahiblərindən biri Rəşad Sadıqovdur. Digərlərinin səhvlərinin də onun kölgəsində qaldığını düşünmürəm.

- Araz Abdullayev hazırda “Qarabağ”ın məşqlərində iştirak edir. Onun komandanıza keçidi mümkündür?

- Arazın klublarla problemi, müqaviləsi var. Bununla maraqlanmağa başlamışıq. Çalışırıq ki, problemi həll edək. Müqaviləsi olan klublarla razılaşa bilsək, Arazla da danışığa gedəcəyik.

- Rəşad Sadıqovu start heyətində görəcəyik?

- İnşallah, görəcəyik.

- “Şerif”lə oyunun nəticəsinin yığmadakı ab-havaya təsir edəcəyini düşünürsünüz?

- İnandırıcı deyil. Fərqli turnirlərdir. “Qarabağ”ın matçları millinin oyunlarına mane olmamalıdır. Hər komandanın öz məsuliyyəti, fərqli rəqibləri var.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Biznes
Satınalma müqaviləsi imzalanıb Bu il sentyabrın 27-də “Bakı Metropoliteni” QSC tərəfindən müxtəlif ölçülü ofis modullarının kotirovka sorğusu üsulu ilə satınalınmasına dair keçirilmiş müsabiqənin qalibi məlum olub. Bakucity.az xəbər verir ki, tenderin qalibi “İcecool” MMC elan edilib. Oktyabrın 18-də həmin şirkətlə müvafiq satınalma müqaviləsi imzalanıb. Müqavilənin dəyəri 45 383,98 manat məbləğindədir. Qeyd edək ki, Fuad Əli Qulu oğlu Bədəlov tərəfindən y...
İdman
Bu gün Premyer Liqada 8-ci tura start verilir Bakucity.az xəbər verir ki, turun açılış matçı Qəbələdə keçiriləcək. Lider “Neftçi” “Qəbələ”nin qonağı olacaq. İlk dövrədə bu komandalar arasında keçirilmiş oyunda paytaxt təmsilçisi 2:1 hesablı qələbəyə sevinib. Liderliyini qorumağı hədəfləyən “ağ-qaralar” elə də yaxşı günlərini yaşamayan rəqiblə görüşdə xal itirməməyə çalışacaq. Günün digər matçı isə son çempion “Qarabağ”la “Səbail” arasında baş tutacaq. İlk...
Cəmiyyət
Azərbaycanın Odlar Yurdu Universitetində qəribə qadağa qüvvəyə minib Bakucity.az universitet rəhbərliyinin göstərişi ilə qüvvəyə minən qadağaya görə ali təhsil müəssisəsində xanım tələbələrə dikdaban ayaqqabı geyinmək yasaqlanıb. Bu barədə universitet binasının foyesində məlumat yerləşdirilib. Məlumat deyilir: "Diqqət! Diqqət! Universitetin binasına dikdaban ayaqqabı ilə girmək qəti qadağandır”. Bu barədə məlumatı a24.az xəbər saytı yayıb.  Universitet bir...
Cəmiyyət
Bakıda daha bir ölümlə nəticələnən yol qəzası baş verib Bakucity.az xəbər verir ki,  hadisə dünən gecə saat 22:00 radələrində Qaradağ rayonu ərazisində, Lökbatan-Xocasən yolunun "Meyvəli" bazarının qarşısından keçən hissəsində baş verib. 1962-ci il təvəllüdü Ağayev Fərhad Əliqulu oğlu yolu keçməyə çalışan piyadanı vurub. Publika.az-ın verdiyi məlumatda bildirilir.  Nəticədə, ağır xəsarət alan piyada, 1986-cı il təvəllüdlü Süleyman Nəbiyev aldığı xəsarətlər...
Hadisələr
Bakı polisi quldurlar barədə axtarış elan edib Bakucity.az xəbər verir ki, 3 nəfər naməlum şəxs Bakıda taksi sürücüsü kimi çalışan şəxsə bıçaqla hədə-qorxu gəlməklə pulunu qarət edib. Taksi sürücüsü evə pulsuz, amma sağ qayıda bilib. Bu barədə məlumatı Sputnik Azərbaycan Binəqədi rayon polis şöbəsindən əldə edib.  Hadisə gecə vaxtı 17 Oktyabr-dan 18 Oktyabra keçən vaxta təsadüf edib. Quldurlar "VAZ-2107" markalı taksi sürücüsü, 1993-cü il təvəllüdlü Əmirza...
Cəmiyyət
Yeni çatlar müşahidə edilib Badamdar sürüşmə zonasında saat 09:00-a olan monitorinqlərin nəticəsinə əsasən, sahədəki çatlarda artım qeydə alınıb.  Ekologiya və Təbii Sərvətlər Nazirliyi tərəfindən yaradılan Qərargahdan verilən məlumata görə, sürüşmə zonasının sağ və sol hissəsində isə yeni çatlar müşahidə edilib.  Bakucity.az
Biznes
Müvafiq qərarı baş nazir Novruz Məmmədov imzalayıb Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişikliklər edilməsi barədə qərar verib. Bakucity.az-ın xəbərinə görə, müvafiq qərarı baş nazir Novruz Məmmədov imzalayıb. Qərara əsasən, “Aİ-92” oktanlı benzin idxalı müvəqqəti olaraq gömrük rüsumundan azad edilib. Əvvəllər bu növ...
Cəmiyyət
Şagird 2 almasına görə anasının qəzəblənəcəyindən qorxub Bakucity.az xəbər verir ki, Oktyabrın 17-sində oxuduğu məktəbdən yoxa çıxan 7-ci sinif şagirdi Azər M. tapılıb. Azərin yoxa çıxmasından sonra anası yerli telekanallardan birinə müraciət edib. Milli.az-ın məlumatına görə, ana göz yaşları içində övladının itkin xəbərini bu sözlərlə verib: "Həmişə dərsdən çıxıb evə gəlirdi. Bu gün evə gəldim ki, yoxdu evdə. Zəng vurdum valideyinin birindən soruşdum. Ded...
İdman
Oyuna bilet satışı davam edir Futbol üzrə Avropa Liqasının qrup mərhələsi çərçivəsində oktyabrın 25-də Azərbaycan çempionu “Qarabağ”la Ukraynanın “Vorskla” klubu arasında keçiriləcək oyuna bilet satışı davam edir. Bakucity.az xəbər verir ki, artıq bu matça 12000 bilet satılıb. Bu barədə Ağdam klubunun mətbuat xidməti məlumat yayıb. Biletləri aşağıdakı satış məntəqələrindən əldə etmək olar: “Qarabağ” FK (Fan-Şop) Gənclik Mall 28 Mall ASAN Xidmət (1,2, 3, 4...