Qurban Qurbanov: "Çox şeyi təzədən başlamaq lazımdır"

Qurban Qurbanov: "Çox şeyi təzədən başlamaq lazımdır", Javid

Azərbaycan milli komandasının baş məşqçisi Qurban Qurbanov U-21 yığmasının Norveçlə keçirdiyi Avropa çempionatının seçmə oyunundan sonra jurnalistlərin suallarını cavablandırıb.

"Report" həmin müsahibəni təqdim edir...

U-21 millisinin İsrail və Norveçlə keçirdiyi matçları izlədiniz. Gənclərdə perspektiv görürsünüz?

- Perspektivimizin olduğunu düşünə bilərik. Amma bu, digərlərində daha çoxdur. Elə Norveçlə İsraili buna misal gətirə bilərəm. Onların komanda və oyunçu potensialı bizdən qat-qat yuxarıdır. Hər birinin oynadığı komandalara baxsaq, inkişafa doğru gedirlər. Bizdə isə təlim-məşq toplanışında bir neçə oyun keçirib düzəlirlər və burdan gedəndən sonra bir ay ərzində baxsaq, 3-4 nəfər çempionatda ya oynayar, ya da yox. Qalanları isə I Divizionda olur, ya da ehtiyatda vaxt keçirirlər.

Millinin baş məşqçisi kimi düşünmürsünüzmü ki, bir neçə ildən sonra mən bu uşaqlarla nə edəcəyəm?

- "Hazırda ümidverici nə görünür" sualına cavab axtarsaq, "böyük bir şeyi bir neçə ilə əldə edəcəyimizi" söyləsək, yalan olar. Çünki rəqiblərimiz bizdən qat-qat sürətli inkişaf edirlər. Ona görə də bizdən bu gün üçün daha üstündürlər. Təbii ki, fərq edəcək. Ola bilsin, bir ildən sonra bu futbolçular daha yaxşı oynayacaqlar. Amma təəssüf ki, digər komandalar daha çox irəli gedəcək və yenə də səviyyə baxımından bizdən yuxarılarda olacaqlar.

Həm əsas, həm də U-21 yığmasında oyun təcrübəsinin azlığını vurğulamısınız. Bunun çıxış yolu nədədir?

- Görünən odur ki, bu, 3-5 günün işi deyil. Bu oyunlara baxdıqdan və öz oyunlarımızı keçirdikdən sonra rəqib komandaların çempionatları ilə daha çox maraqlanmağa başlamışıq. Bu gün həddən artıq böyük işlər görülməlidir. Bəlkə də çox şeyi təzədən başlamaq, uzunmüddətli layihə götürüb, onun üzərində çalışmaq lazımdır. Fikrimcə, işbirliyi həddindən artıq çox və geniş miqyaslı olmalıdır.

Sizcə, sıfırdan başlamaq, futbolçuları lazımi səviyyəyə çatdırmaq üçün ən azı 5 il vaxt lazım deyil?

- İş ondadır ki, 4-5 il əvvəl bu ölkələrdə çempionatın səviyyəsi elə də yüksək deyildi. Hətta bəzi liqaların səviyyəsi aşağı enmişdi. Lakin artıq onlar çox sürətlə irəliləyiblər, çempionatlarının səviyyələrini qaldırıblar və futbolçularını Avropa bazarlarına çıxarıblar. Bütün ölkələrin yığmalarına, ayrı-ayrılıqda futbolçularına baxsaq, hamısı çox yaxşı liqalarda çıxış edir. Lakin bizim əvvəllər çox yaxşı çempionatımız var idi, son vaxtlar isə zəifləməyə doğru gedir. Dəfələrlə qeyd etmişəm ki, 5-7 il əvvəlki çempionatımızdakı komandalar, rəhbər şəxslər, məşqçilər, legionerlər tam fərqli idilər. Heç biri digərindən geri qalmırdı. Belə bir şəraitdə yerli futbolçuların da səviyyələri istər-istəməz qalxmalı idi. Bunun da şahidi olurduq. Amma son vaxtlar çempionatımız zəifləməyə doğru getdi, səviyyəli legionerlər azalmağa başladı, bir neçə klubu AFFA maliyyələşdirməyə başladı. Belə problemlər davam etməkdədir.

Kosovo və Malta ilə UEFA Millətlər Liqasının oyunlarında iki fərqli hissə izlədik. Bu, nə ilə əlaqədar idi?

- Bu gün nəsə desəm, bəlkə də şablon fikirlər olacaq. Futbolda belə epizodlar olur, belə hallara rast gəlinir. İnanmıram ki, həyəcanla bağlı olsun. Turnirə start verməmişdən öncə futbolçularda qrupu birinci pillədə başa vurmaq istəyi var idi. Bu, indi də var. Təbii ki, bunlar tələb olunanda həyəcan olur. Normal bir şeydir. Futbolun özəlliklərindən biridir.

Ruslan Qurbanov Kosovaya qarşı oynasa da, Malta ilə oyunun 23-lüyünə salınmadı. Nəzərə alsaq ki, ipə-sapa yatmayan futbolçudur, onu heyətə salmamağınızın səbəbini açıqlaya bilərsiniz?

- Öz qərarım idi. Bunun səbəbini açıqlamağa ehtiyac yoxdur.

“Qarabağ”ın Avropa Liqasıdakı oyunlarını Bakı Olimpiya Stadionunda (BOS) keçirməsini istəmədiyiniz barədə məlumatlar var. Tofiq Bəhramov adına Respublika stadionuna qayıtmaq variantınız yenə var?

- Verilən qərarlar məsləhətləşdirilir. Ötən il Çempionlar Liqasındakı matçları da BOS-da keçirmişdik. Biz “Arsenal”la oyunu BOS-da, digər iki matçı Tofiq Bəhramov adına Respublika Stadionunda keçirmək istədik. Amma UEFA-nın reqlamenti var. “Arsenal” və “Sportinq” Çempionlar Liqası səviyyəsində olan komandalardır. Bir oyunu burda, digərini başqa yerdə keçirmək düzgün deyil. Bu qərarda hamının razılığı olub. Ötən il Bakı Olimpiya Stadionunun azarkeşlərlə dolması ölkə başçısı tərəfindən də müsbət qarşılanmışdı. Bu qərar hamının razılığı ilə qəbul olundu.

Barış Ekincieri özünüz üçün qeyd etdiniz?

- Qeydiyyatda olanlar var. Amma ad çəkmək düzgün olmaz. Hamının üstün və zəif cəhətləri qeyd edilib. Bir neçə oyunçu daim diqqətimizdədir.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Azərbaycan Respublikasının Baş prokuroru tərəfindən haqqında cinayət işi açılan 1985-ci il təvəllüdlü Rusiya Federasiyasının vətəndaşı, “WarGonzo” layihəsinin yaradıcısı Semyon Peqov yenidən işğal edilən Xankəndi şəhərinə qayıdıb. BakuCity.az xəbər verir ki, bu haqda o, özünün Facebook səhifəsində canlı yayımı zamanı deyib. Peqov hazırda Xankəndi şəhərinə gəldiyini, ətrafda atəş səsləri eşidildiyini istifadəçilərinə çatdırır. Qeyd edək ki, Peqov Ermənistan...
Cəmiyyət
Azərbaycan Ordusu uğurlu döyüşlər aparır. Biz müharibə edirik, düşməni öz ərazilərimizdən vurub çıxarırıq. Ordumuzun addımlarını müsbət qiymətləndirirəm. Azərbaycan Ordusu irəliləyir və qarşısına qoyulan məqsədləri inamla həyata keçirir. BakuCity.az xəbər verir ki, bu fikirləri Azərbaycanın tanınmış hərbi diktoru, hərbi vətənpərvərlik mahnılarının ifaçısı, “Vətənpərvərliyin Təbliğinə Dəstək” İctimai Birliyinin sədri Şəmistan Əlizamanlı deyib. O, bəyan edib...
Cəmiyyət
Ermənistan atəşi nəticəsində Goranboy rayonunun Tap kəndində daha bir dinc sakin həlak olub. BakuCity.az xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter” hesabında etdiyi paylaşımda bildirib. Hikmət Hacıyev bildirib ki, raket həmin şəxsin evinin damına düşüb. “Ermənistanın hərbi cinayətləri davam edir”. Now. One more civilian was killed by Armeni...
Cəmiyyət
Azərbaycanda bu gün koronavirus infeksiyasına 1015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb. BakuCity.az xəbər verir ki, bu barədə Nazirlər Kabineti yanında Operativ Qərargah məlumat yayıb. Son sutkada 9 nəfər COVID-19-dan vəfat edib. BakuCity.az
Cəmiyyət
"Boş ümidlərə qapılmayın, ordumuz Azərbaycan qarşısında dayana bilməz". Erməni xalqı boş ümidlərə qapılmasın. Ermənistan ordusu Azərbaycan Silahlı Qüvvələri qarşısında dayana bilməz. BakuCity.az xəbər verir ki, bu barədə Ermənistanın “Adekvad” hərəkatının təsisçisi Konstantin Ter-Nakalyanın erməni xalqına müraciətində deyilir. Onun sözlərinə görə, Ermənistan yorucu müharibə ssenarisindədir: “Bunun əbədi davam edəcəyinə dair boş ümidlərə qapılmayın. Azərbay...
Cəmiyyət
Şücaət göstərən hərbçiyə mənzil hədiyyə olunub. “Cavid-2016” MMC işğal altında olan torpaqların azad edilməsi uğrunda keçirilən hərbi əməliyyatlarda şücaət göstərən hərbçiyə mənzil hədiyyə edib. BakuCity.az xəbər verir ki, oktyabrın 27-də şirkətin ofisində keçirilən təqdimatda Suqovuşan qəsəbəsinin azad edilməsindən sonra Azərbaycan bayrağını meydanda dirəyə taxaraq dalğalandıran əsgər İlkin Fərzəliyevə “Cavid-2016” şirkətinin rəhbərliyi tərəfindən mənzil...
Cəmiyyət
Könüllü Bərdədə humanitar dəstək verərkən öldürülüb. Beynəlxalq Qızıl Xaç Komitəsinin könüllüsü Ermənistanın şəhəri kasset raketləri ilə atəşə tutması nəticəsində Azərbaycanın Bərdə şəhərində humanitar dəstək verərkən öldürülüb. BakuCity.az xəbər verir ki, bunu zərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev tvitter paylaşımında qeyd edib. BakuCity.az
Cəmiyyət
Erməni əsgər qadın Azərbaycan tərəfə keçib. BakuCity.az Erməni əsgər qadın könüllü olaraq Azərbaycan tərəfə keçib. BakuCity.az
Cəmiyyət
Düşmən rayonlarımızı təkrar atəşə tutub. Bərdə və Goranboy rayonlarının ərazisi Ermənistan silahlı qüvvələri tərəfindən atəşə tutulub. BakuCity.az xəbər verir ki, bu barədə Müdafiə Nazirliyi məlumat yayıb. BakuCity.az