Babək prospektindəki iş adamları narazıdır

“Azərsu” ASC kənar müdaxilənin qarşısını almalıdır

İstehlakçı hüquqlarını bu sahədə həyata keçirən orqan kimi “Azərsu” ASC kənar müdaxilənin qarşısını almalıdır.

Sputnik Azərbaycan xəbər verir ki, Xətai rayonu Babək prospekti 2334-cü məhəllədə olan mağaza sahibləri çıxılmaz vəziyyətə düşüb. Bu barədə Sputnik Azərbaycan-a bir qrup iş adamı müraciət edib. Onların 4 ildən artıqdır istifadə edib və nizamlı şəkildə xidmət haqqını ödədikləri kanalizasiya xəttini bağlayıblar. Mağaza sahibləri iddia ediblər iki aydan artıqdır ki, bu problemlə qarşı-qarşıyadırlar.

Şikayətçi İsmayılov deyib ki, kanalizasiya sistemi başqa bir mağaza sahibi tərəfindən bağlanıb: “İki ay əvvələ qədər hər şey qaydasında idi. Hətta prospekt təmir ediləndə belə, kanalizasiya sisteminə toxunulmamışdı. Su boruları sıradan çıxmışdı, özümüz təmir etdirdik. Bir müddət əvvəl qonşu mağaza sahibi gəlib dedi ki, “kanalizasiya xəttini təmir etdirmişəm, 6000 manat xərc çəkmişəm, siz 4 mağaza sahibi də yığın, mənim pulumu verin, xəttə qoşulun”.

“Qeyd edək ki, biz 4 il “Azərsu”nun kanalizasiya sisteminə qoşulmuşuq və haqq ödəmişik. Hətta "Azərsu" ASC-dən "texniki şərt" də almışam. Hazırda isə iki aydır bizim kanalizasiya sularımız, demək olar ki, küçəyə axır" – deyə şikayətçi əlavə edib.

A.İsmayılov bildirib ki, məsələ ilə bağlı Xətai Rayon Su İdarəsinə və “Azərsu” ASC-nin qaynar xəttinə müraciət edib. Və hər dəfə "məsələyə baxılacaq" cavabını alıb.

Çarəsiz vəziyyətdə qalan iş adamları məsələ ilə bağlı Nizami Rayon 23-cü polis bölməsinə də müraciət ediblər.

Şikayətçilər sual ediblər ki, əgər kanalizasiya xətti bərpa edən şəxsə aiddirsə, “Azərsu” ASC-onlara niyə "texniki şərt" verib və 4 il müddətində xidmət haqqı alıb.

Məsələ ilə bağlı əvvəlcə kanalizasiya xəttini kəsdiyi deyilən Azər Bəxşəliyevlə əlaqə saxladıq. Bəxşəliyev bildirdi ki, kanalizasiya xəttini özü çəkdirdiyi üçün onun özünə məxsusdur: "Bütün xərclərini özüm çəkmişəm. Xətti yeniləyən zaman isə onlara müraciət etdim. Kimsə xərcə düşmək istəmədi. Bu xətt əvvəldən mənimdir. Əvvəllər həmin ərazidə bir yaşlı kişi var idi, kafe işlədirdi. Ona xəttə qoşulmağa icazə vermişdim. O da məndən xəbərsiz bu mağazalara xətt verib. Həmin mağazalar 10 ildir ki, mənim kanalizasiya xəttimdən istifadə ediblər”.

“Xətti yenilədim, təkcə traktora 1700 manat pul vermişəm. 150-200 metr xətti yenidən çəkmişəm. Xətti yeniləyəndə yaxın durmadıqları üçün onlara xəttə qoşulmağa icazə vermirəm. Kanalizasiya xətti mənimdir, “Azərsu”nun deyil. Təklif edirəm ki, “Azərsu”dan da gəlsinlər, mağaza sahibləri də və xəttin mənim olduğunu sübut edim” – deyə A.Baxşəliyev vurğuladı.

Məsələ ilə bağlı məlumat almaq üçün Xətai Rayon Su İdarəsi ilə əlaqə saxladıq. Telefonumuza cavab verən şəxs özünü təqdim etmədən sualımızı dinlədi, "araşdıracağıq" — deyib dəstəyi asdı.

“Azərsu” ASC-nin mətbuat xidmətinin rəhbəri Anar Cəbrayıllı isə bildirdi ki, A.Bəxşəliyevlə qurumun əməkdaşları görüşüb: "O, qonşu mağazaların sahiblərinə bildirib ki, Babək prospektində su-kanalizasiya sistemi, yol yenilənir, kanalizasiya xətti tez-tez tutulur, yığılıb xətti genişləndirsinlər. Lakin mağaza sahibləri yaxın durmayıblar. Şəxs də öz vəsaiti hesabına həmin xətti bərpa edib. İndi də qonşuları həmin xəttə qoşulmağa qoymur. Bizim əməkdaşlarımız ona müraciət edib. O da icazə verməyəcəyini bildirib”.

A.Cəbrayıllı onu da qeyd etdi ki, hazırda Xətai Rayon Su İdarəsi hüquq mühafizə orqanlarına məktub hazırlayır: “Həmin qurumun iştirakı ilə şikayətçi şəxslərin xəttə qoşulması bərpa ediləcək. Yaxşı olar ki, vətəndaşlar özləri də hüquq mühafizə orqanlarına müraciət etsinlər. Çünki ərazidə kanalizasiya quyusuna qədər xətt bizimdir. Quyudan o tərəfə isə vətəndaşların öz xətləridir. Biz də müdaxilə edirik, məsələ ilə bağlı hüquq mühafizə orqanlarına müraciət edilib. Və onların iştirakı ilə məsələnin həll edilməsi nəzərdə tutulur. Bu, sadəcə vətəndaş özbaşınalığıdır".

Məsələyə hüquqşünas Səməd Vəkilov da aydınlıq gətirdi. Bildirdi ki, bu məsələ "Su təchizatı və tullantı suları haqqında" qanunun 34-cü maddəsi ilə tənzimlənir: “Həmin maddəyə görə, kanalizasiya müəssisələrinin əsas vəzifəsi tullantı sularının nəqli, təmizlənməsi, zərərsizləşdirilməsi və ətraf mühitə və ya su hövzələrinə axıdılmasıdır. Həmçinin qurum ümumi istifadədə olan kanalizasiya qurğularının genişləndirilməsi və yenidən qurulmasını təmin etməli, onlara texniki xidmətlər göstərməlidir. Bununla yanaşı, məsul qurum kanalizasiya sistemlərindən ətraf mühitə tullantı sularının sızmasını aradan qaldırmalı və əvvəlcədən qarşısını almaq üçün tədbirlər görməlidir”.

"Su təchizatı və tullantı suları haqqında qanuna əsasən, Kanalizasiya sistemlərinin fəaliyyətinə dövlət nəzarət edir. Bildiyiniz kimi, bu sahədə dövlət proqramlarını “Azərsu” ASC həyata keçirir" – hüquqşünas qeyd etdi.

Vəkilovun sözlərinə görə, bu, həm də istehlakçı hüquqlarının kobud şəkildə pozulmasıdır. İstehlakçı hüquqlarını bu sahədə həyata keçirən orqan kimi “Azərsu” ASC kənar müdaxilənin qarşısını almalıdır.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Hələ heç kəs qiymətləndirməyib
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Biznes
Yaşayış bloku da olacaq Bakıda Həştərxan İş Mərkəzi açılacaq. BakuCity.az xəbər verir ki, bunu Həştərxan vilayətinin qubernatoru İqor Babuşkin deyib. Onun sözlərinə görə, açılışın gələn il may-iyun aylarında baş tutacağı gözlənilir. 7 mərtəbəli binada sahibkarların ofisləri, hətta yaşayış bloku yerləşəcək. Layihənin əsas vəzifəsi – tərəflərin işgüzar fəallığına təkan vermək və beynəlxalq biznesə yeni səviyyəyə çıxmaq imkanı yaratmaqdır. ВakuCity.az
Ekologiya
Cənub küləyi əsəcək Bakıda istirahət günlərinə olan hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentinən BakuCity.az-a verilən məlumatına görə, paytaxtda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə duman olacaq. Mülayim cənub küləyi əsəcək. Havanın temperaturu gecə 5-7, gündüz 10-13 dərəcə isti olacaq. ВakuCity.az
Cəmiyyət
5 gündür xəbər-ətər yoxdur Bakıda 17 yaşlı oğlan itkin düşüb. BakuCity.az Oxu.az-a istinadən xəbər verir ki, hadisə Qaradağ rayonunda qeydə alınıb.  Lökbatan qəsəbə sakini Nəcəfov Orxan Elnur oğlu dekabrın 8-i gecə saat 2-3 radələrində evdən çıxıb və bir daha geri qayıtmayıb.   Onun əlamətləri: boyu 179 sm, dolu bədənli, gözləri qəhvəyi rəngdit. Evdən çıxarkən əynində boz palto, qara cins şalvar, qara ayaqqabı olub. Qeyd edək ki, O.Nəcəfov evdən çıxarkən h...
Cəmiyyət
Yollarda su qurumur Sulutəpə sakinləri yolsuzluqdan əziyyət çəkir. BakuCity.az Oxu.az-a istinadən xəbər verir ki, qış aylarında Ruslan Allahverdiyev küçəsinin yollarındakı gölməçələrdə su qurumur. Qəsəbə sakinləri bildirir ki, uşaqlar qışda məktəbə getməkdə çətinlik çəkir. Hətta güclü yağış yağdığı zaman bəzi evlərdən çölə çıxmaq mümkün olmur: “Yaxın vaxtlarda 158 nömrəli avtobusun yolunu düzəltsələr də, qəsəbədaxili yollar çox bərbad vəziyyətdədir”. Probl...
Cəmiyyət
Hələ bir neçə ay da gözləməlidirlər Səbail rayonu Aydın Məmmədov küçəsində yerləşən məcburi köçkünlərin yerləşdiyi yaşayış məskənində vəziyyət acınacaqlıdır. BakuCity.az Baku TV-yə istinadən xəbər verir ki, 22 məcburi köçkün ailəsi 26 ildir 6 mərtəbəli binanın birinci mərtəbəsi və zirzəmisində əziyyətlə yaşayırlar. Mövcud vəziyyətlə bağlı sakinlərin Qaçqın və Məcburi Köçkünlərin İşləri üzrə Dövlət Komitəsinə etdikləri müraciətə baxmayaraq dəyişən heç nə ol...
Cəmiyyət
Dövlət 3 və daha az ulduzlu hotellərin inşasında maraqlıdır Bu yaxınlarda həm Bakıda, həm regionlarda yeni hotellərin açılışı gözlənilir. BakuCity.az-ın məlumatına görə, bunu "Report"a açıqlamasında Dövlət Turizm Agentliyinin Mətbuat Xidmətinin rəhbəri Kənan Quluzadə deyib. "Biznes nümayəndələri ilə aparılan danışıqlar onu göstərir ki, ölkədə yeni hotellərin tikintisinə maraq var. Azərbaycana səfər edən turistlər Bakı və Abşeron yarımadası ilə yanaşı, ölkə...
Hadisələr
Son 10 gündə ayaqları tutulub Bu gün Bakı şəhərinin Nərimanov rayonunda 1 nəfərin bağlı qapı arxasında köməksiz vəziyyətdə qalması barədə məlumat vermişdik. BakuCity.az Publika.az-a istinadən xəbər verir ki, Xüsusi Riskli Xilasetmə Xidmətinin müvafiq xilasetmə qüvvələri tərəfindən mənzildə meyiti aşkarlanan 1940-cı il təvəllüdlü Atakişiyev Qorxmaz Ələkbər oğlu məşhur Azərbaycan filmi olan “Uşaqlığın son gecəsi” filmində Zaur rolunun ifaçısı olub. Ömrünün s...
Hadisələr
3 avtomobilə ziyan dəyib Bakıda ağacın aşması nəticəsində lüks avtomobillərə ziyan dəyib. BakuCity.az-ın Metbuat.az-a istinadən verdiyi məlumata görə, hadisə Zahid Xəlilov küçəsi ilə Əbdürrəhim bəy Haqverdiyev küçəsinin kəsişməsində baş verib. İri ağacın aşması ilə yaxınlıqdakı işıq dirəyi də avtomobillərin üzərinə düşüb. Nəticədə “Mercedes Gle”, “Toyota Camry” və “Mercedes ML” markalı avtomobillərə ziyan dəyib. Həmçinin oxu: Ramanada hektarlarla meşə zola...
Cəmiyyət
Hər zövqə görə balıq yeməkləri Bakıda, xüsusilə, soyuq mövsümdə balıq yeməklərini bəyənməyən az adam tapılar. Paytaxtda yalnız balıq yeməkləri təqdim edən bir neçə restoran var. Həm də elə məkanlar var ki, orada standart menyudan əlavə, müxtəlif növ balıqlardan hazırlanan yeməkləri də seçmək olar.  BakuCity.az nərə balığı, qızılbalıq, kütüm, alabalıq, ağbalıq, karp, kefal və digər balıqların dadına baxa biləcəyiniz restoranların kiçik siyahısını hazırlayıb...