Bakıda aeroportda qumbara tapılıb - Foto

Bakıda aeroportda qumbara tapılıb - Foto

Qeyd olunmuş ərazidə hava limanına baxış keçirilib

Bakucity.az. ANAMA-dan alınan məlumata görə, 2018-ci il 13 sentyabr tarixində saat 11:30-da Daxili İşlər Nazirliyinin ″102″ Xidməti-Zəng mərkəzi sistemindən və saat 11:49-da Fövqəladə Hallar Nazirliyinin Böhran Vəziyyətlərində İdarəetmə mərkəzindən Agentliyə Bakı şəhəri, Sabunçu rayonu, Zabrat qəsəbəsi ərazisində partlamamış hərbi sursatın tapılması barədə məlumatlar daxil olub.

Məlumatlara əsasən, Agentliyin xüsusi mobil çevik əməliyyat qrupu və Bakı şəhəri Sabunçu rayon Polis İdarəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Bakı şəhəri Sabunçu rayon Polis İdarəsinn əməkdaşları tərəfindən birlikdə yuxarıda adı qeyd olunmuş ərazidə hava limanına baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd F-1 əl qumbarası aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Əl qumbarasının tapıldığı yerin ətrafında 1 200 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Bakıda aeroportda qumbara tapılıb - Foto, fotoşəkil-1 Bakıda aeroportda qumbara tapılıb - Foto, fotoşəkil-2 Bakıda aeroportda qumbara tapılıb - Foto, fotoşəkil-3 Bakıda aeroportda qumbara tapılıb - Foto, fotoşəkil-4 Bakıda aeroportda qumbara tapılıb - Foto, fotoşəkil-5

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər