Bakının azad olunmasının 100 illiyi Türkiyədə qeyd edilir

 Bakının azad olunmasının 100 illiyi Türkiyədə qeyd edilir

"Bir millət- iki dövlət"

Türkiyə XİN-i Bakının bolşevik-daşnak işğalından Qafqaz İslam Ordusu tərəfindən azad edilməsi münasibətilə bəyanatla çıxış edib

Bakucity.az-ın məlumatına görə, bəyanatda deyilir:

"Hörmət və ehtiramla Bakı uğrunda döyüşlərdə həlak olan Qafqaz İslam Ordusundan olan 1132 əsgərin, eyni zamanda, öz vətənləri üçün həyatlarını qurban verən azərbaycanlı qardaşlarımızın xatirəsini hörmətlə yada salırıq. Bu ildönümü Türkiyə ilə Azərbaycan arasındakı əlaqələrinin "Bir millət- iki dövlət" prinsipi üzərində qurulan ən mühüm mərhələlərindən biridir".

Bəyanatda həmçinin qeyd edilir ki, Bakının azad edilməsi ölkə paytaxtını Gəncədən Bakıya köçürülməsinə imkan verdi, dövlətin ərazi bütövlüyünün təmin olunmasına şərait yaratdı, həmçinin Azərbaycanın indiki sərhədlərinin yaranması üçün əsas oldu. "Qafqaz İslam Ordusunun qazandığı bu böyük qələbənin ildönümü Türkiyə və Azərbaycan qardaşlığı və həmrəyliyini simvolizə edir", - bəyanatda bildirilib.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər