“Bakı bulvarının tarixi fotoşəkillərdə”

“Bakı bulvarının tarixi fotoşəkillərdə”

“Bakı bulvarının tarixi fotoşəkillərdə” adlı sərginin açılış mərasimi keçirilib

Bakucity.az xəbər verir ki, Dənizkənarı Milli Parkda Dənizkənarı Bulvar İdarəsinin təşkilati dəstəyi ilə “Bakı bulvarının tarixi fotoşəkillərdə” adlı sərginin açılış mərasimi sentyabrın 18-də keçirilib. Sərgi ümummilli lider Heydər Əliyevin “Bakı şəhərindəki Dənizkənarı bulvara Mili Park statusu verilməsi haqqında” Fərmanının 20 illiyinə həsr edilib.

Dənizkənarı Bulvar İdarəsinin Aparat rəhbəri Elmir Bağırov Bakucity.az-a bildirib ki, sərgidə yer alan 104 fotoşəklin əksəriyyəti ictimaiyyətə ilk dəfə təqdim olunur. Şəxsi kolleksiyalardan, xarici və yerli arxivlərdən toplanmış və yüksək keyfiyyətlə bərpa edilmiş orijinal fotoşəkillər dənizkənarı sahilin və Bakı bulvarının 1861-ci ildən 1990-cı illərədək tarixini əhatə edir. Sərgidə Bakı şəhərinin 1860-cı illərdə dənizdən çəkilmiş ilk fotoşəkilləri də nümayiş olunur.

Tədbirin keçirilməsində əsas məqsəd Bakı bulvarının tarixi inkişaf mərhələlərini əyani surətdə nümayiş etdirmək, vətəndaşları, turistləri və şəhərimizin qonaqlarını bu sahədə maarifləndirməkdir.

Elmir Bağırov xatırladıb ki, Bakı Bulvarının tarixi rəmzlərindən biri olan və yenidən bərpa edilən “Qu quşları” fəvvarə kompleksinin açılış mərasimində Azərbaycan Prezidenti İlham Əliyev və birinci xanım Mehriban Əliyeva iştirak ediblər. Həmçinin qeyd edib ki, Dənizkənarı Bulvar İdarəsi tərəfindən sosial layihələr davam etdiriləcək.

2019-cu ilin mart ayının sonuna kimi davam edəcək sərgiyə giriş sərbəstdir. Sərginin Azərbaycan klassik və retro musiqi sədaları altında keçirilməsi şəhərimizin sakinlərinə və turistlərə xoş təsir bağışlayır.

“Bakı bulvarının tarixi fotoşəkillərdə”, fotoşəkil-1 “Bakı bulvarının tarixi fotoşəkillərdə”, fotoşəkil-2 “Bakı bulvarının tarixi fotoşəkillərdə”, fotoşəkil-3 “Bakı bulvarının tarixi fotoşəkillərdə”, fotoşəkil-4 “Bakı bulvarının tarixi fotoşəkillərdə”, fotoşəkil-5 “Bakı bulvarının tarixi fotoşəkillərdə”, fotoşəkil-6 “Bakı bulvarının tarixi fotoşəkillərdə”, fotoşəkil-7 “Bakı bulvarının tarixi fotoşəkillərdə”, fotoşəkil-8

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər