Beynəlxalq Sülh Günü münasibətilə fləşmob keçirilib

Beynəlxalq Sülh Günü münasibətilə fləşmob keçirilib

“Dünyaya sülh” devizi altında Pirallahıda fləşmob keçirilib

21 sentyabr – Beynəlxalq Sülh Günü ərəfəsində Bakı şəhər Pirallahı Rayon İcra Hakimiyyəti və Yeni Azərbaycan Partiyası Pirallahı rayon təşkilatı 168 nömrəli tam orta məktəbdə “Dünyaya sülh” devizi altında birgə fləşmob təşkil edilib.

Bakucity.az xəbər verir ki, məktəbin orta siniflərində təhsil alan 100 şagirdin iştirakı ilə azadlıq və sülh simvolu olan göyərçin quşunun rəsmi çəkilib.

Tədbirdə YAP Pirallahı rayon təşkilatının sədri Hikmət Şikarov çıxış edərək fləşmob iştirakçılarına Beynəlxalq Sülh Gününün zərurətdən yarandığını və vacibliyi barədə məlumat verib. Sülh mövzusunun bu gün torpaqlarının 20 faizi işğal edilən, bir milyondan çox qaçqın və məcburi köçkünü olan Azərbaycan üçün xüsusi əhəmiyyət kəsb etdiyini bildirib.

Qeyd edilib ki, bu gün qüdrətli və güclü orduya malik Azərbaycan və onun Prezidenti, Ali Baş Komandan İlham Əliyev xalqın sülh arzusunu ifadə edərək, münaqişənin sülh yolu ilə, qan tökülmədən, beynəlxalq hüquq müstəvisində həlli üçün əsaslı addımlar atır.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər