Builki sahilyanı təmizləmə geniş və fərqli olub

Builki sahilyanı təmizləmə geniş və fərqli olub

Tullantılar qeydə alınaraq “Ocean Concervancy” beynəlxalq təşkilatına göndərilir

Beynəlxalq Sahilyanı Təmizlik Günü çərçivəsində Bilgəh çimərliyində baş tutan ekoloji aksiya ötən illərdən fərqli olaraq maksimum iştirakçı sayı, daha çox tərəfdaş və ən əsası tullantıların çeşidlənməsi ilə ötən ilki aksiyalardan fərqlənib.

Bu il sözügedən aksiyada 600-dən artıq insan sahilyanı ərazini 5 tona yaxın tullantıdan təmizləyib. Tədbirin təşkilatçıları ənənəvi olaraq “Coca-Cola”, "Bakcell", “PAŞA Bank” şirkətləri və “ASAN Könüllülük Məktəbi”nin “Yaşıl ASAN” təşəbbüsü çıxış ediblər. Partnyorlar sırasında isə Ekologiya və Təbii Sərvətlər Nazirliyi, “ASAN Radio”, “Xəzər TV”, “AzEkol” MMC, “Green Baku”, AFFA, “Baku Expo 2025”, “Alliance Asisst Group”, “Toyota” Bakı Mərkəzi, “Entreé” kafelər şəbəkəsi və Azərbaycan Velosiped İdmanı Federasiyası yer alıblar.

Tədbirə informasiya dəstəyini Xəzər TV və ASAN Radio təşkil edib.

Dünyanın bir çox ölkəsi hər il 15 sentyabr tarixini Beynəlxalq Sahilyanı Təmizlik Günü kimi qeyd edir. Sahilyanı Təmizlik Günü Yer kürəsində on minlərlə insan könüllü olaraq yaşadıqları ərazilərin sahillərini tullantılardan təmizləyirlər. Azərbaycan bu aksiyada artıq 9 ildir iştirak edir.

Qeyd edək ki, Azərbaycanda son 9 il ərzində keçirilən analoji birgünlük aksiya çərçivəsində Xəzər dənizinin çimərliklərinin 40 hektara yaxın ərazisi 32 ton məişət tullantısından təmizlənib. Təmizlənən ərazilərdən toplanan tullantılar qeydə alınaraq “Ocean Concervancy” beynəlxalq təşkilatına göndərilir. Həmin məlumatlar isə öz növbəsində dünya su hövzələrinin təmizlənməsi haqqında ölkələr üzrə beynəlxalq hesabatlarda əks olunur.

Builki sahilyanı təmizləmə geniş və fərqli olub, fotoşəkil-1 Builki sahilyanı təmizləmə geniş və fərqli olub, fotoşəkil-2 Builki sahilyanı təmizləmə geniş və fərqli olub, fotoşəkil-3 Builki sahilyanı təmizləmə geniş və fərqli olub, fotoşəkil-4 Builki sahilyanı təmizləmə geniş və fərqli olub, fotoşəkil-5 Builki sahilyanı təmizləmə geniş və fərqli olub, fotoşəkil-6

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər