Putin Bakıda dünya çempionatını izləyəcək

Putin Bakıda dünya çempionatını izləyəcək

Vladimir Putin altıncı yarış gününün görüşlərinə baxacaq

Bakucity.az-ın "Inside the Games" nəşrinə istinadən verdiyi məlumata görə, sentyabrın 25-də Bakıda olacaq Rusiya prezidenti Vladimir Putin Milli Gimnastika Arenasına yollanacaq.

V.Putin Azərbaycana səfəri zamanı cüdo üzrə dünya çempionatını da izləyəcək.

O, çempionatın altıncı yarış gününün görüşlərini izləyəcək. Həmin gün Rusiya təmsilçilərindən tatami üzərinə kişilərdən Avropa çempionu və "Bakı 2015" I Avropa Oyunlarının qalibi Kirill Denisovla Niyaz İlyasov (hər ikisi 100 kq), həmçinin qadın cüdoçu Aleksandra Babintseva (78 kq) çıxacaq.

V.Putin 8-ci dan qara kəmər sahibi və Beynəlxalq Cüdo Federasiyasının (IJF) fəxri prezidentidir. O, IJF prezidenti Marius Vizerin yaxın dostu sayılır. Rusiyanın dövlət başçısı ötən il Macarıstanın paytaxtı Budapeştdə keçirilmiş dünya çempionatında, eləcə də 2012-ci il London Yay Olimpiya Oyunlarında və "Bakı 2015" I Avropa Oyunlarında da iştirak edib.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər