Bakı Dövlət Sirki vəhşi heyvanların çıxışına qadağa qoymur

Bəzi ölkələrdə vəhşi heyvanların səyyar sirklərdə çıxış etməsinə icazə verilmir

Avstriya, Boliviya, Meksika, Malta, İsrail, Peru, Sinqapur, Salvador, Kipr, Kosta-Rika, Slovakiya, Yunanıstan daxil olmaqla, ümumilikdə 19 ölkə səyyar sirklərdə vəhşi heyvanların iştirakına qadağa qoyub.

Sonuncu dəfə isə Şotlandiya parlamenti səyyar sirklərdə vəhşi heyvanlardan istifadəni qadağan edən qərar qəbul edib.

Azərbaycandakı yeganə sirk olan Bakı Dövlət Sirkinin (BDS) özünün heyvanları olmasa da, paytaxtımıza tez-tez başqa ölkələrdən sirklər dəvət edir. Təbii ki, onların arasında vəhşi heyvanların iştirakı ilə göstərilən nömrələr çoxluq təşkil edir. Bu isə o deməkdir ki, vəhşi heyvanlar Bakı Dövlət Sirkinin səhnəsində heç bir problem olmadan çıxış edə bilirlər.

Bakı Dövlət Sirkinin mətbuat xidmətinin rəhbəri Mahir Hümbətov Trend-ə açıqlamasında bildirib ki, Azərbaycanda vəhşi heyvanların sirkdə iştirakı ilə bağlı hər hansı qadağanın qoyulmasına ehtiyac yoxdur.

Onun sözlərinə görə, MDB ölkələrinin heç birində sirklər üçün belə bir qadağa tətbiq olunmayıb.

Bakı Dövlət Sirkinin stasionar sirk müəssisəsi olduğunu xatırladan M.Hümbətov qeyd edib ki, BDS-nin sirk artistləri və təlimçiləri yoxdur: “Bu da o deməkdir ki, Bakı Dövlət Sirkində heyvanlar yoxdur və onlar təlim olunmurlar. Biz Bakıya xarici ölkələrin sirklərini dəvət edirik. Ancaq nəzərə alaq ki, bəzi Avropa ölkələrində ümumiyyətlə stasionar sirk olmur. Bakı Dövlət Sirki isə stasionar sirk olduğundan burada heyvanların qarşılanması, saxlanması, yemlənməsi üçün lazımi şərait var”.

O qeyd edib ki, indiyədək Bakı Dövlət Sirkində vəhşi heyvanların insanlara hücum etməsi halı qeydə alınmayıb: “Ancaq belə bir ehtimal ola bilər. Çünki nə qədər təlim keçilsə belə, heyvanlar çıxışlarında aqressiya göstərə bilər. Belə halların qarşısını almaq üçün nümayişdən əvvəl təhlükəsizlik tədbirləri görülür və tamaşaçı ilə heyvanlar arasında dəmirdən və ya ipəkdən olan xüsusi qoruyucu torlar qurulur. Bundan sonra heyvanlar səhnəyə buraxılır. Xaricdən dəvət etdiyimiz sirk təlimçiləri heyvanlara olduqca sevgi ilə yanaşırlar. Onlar bildirirlər ki, heyvanlara sevgi verməsən, onu təlimləndirmək mümkün deyil”.

M.Hümbətov bildirib ki, indiyədək Bakı Dövlət Sirkinə gələn tamaşaçıların səhnəyə çıxan vəhşi heyvanlardan qorxması halı müşahidə edilməyib. Əksinə, vəhşi heyvanların nömrələri göstərilərkən ön sıralarda oturmaq istəyən tamaşaçılar daha çox olur.

BDS-nin əməkdaşı əlavə edib ki, sirkləri daha çox tamaşaçıların xahişini və zövqünü nəzərə almaqla gətirirlər.

O, Azərbaycanda tamaşaçıların vəhşi heyvanların çıxışlarını daha çox xoşladığını deyib: “Bəzən şir, ayı, ya da pələng olmayanda tamaşaçılar xahiş edirlər ki, bu heyvanların da çıxışı olsun”.

M.Hümbətov yerli tamaşaçıların hava nömrələrini, xüsusilə hava uçuşlarını da çox xoşladığını söyləyib: “Təbii ki, uşaqlar da klounları xoşlayırlar. Amma kloun olmaq çox çətindir. Yaxşı klounlar çox az tapılır. Restoranlarda çıxış edən klounlar peşəkar olmurlar. Sirkdə çıxış edən peşəkar kloun isə həm bir qədər təlimçi, həm bir qədər akrobat, həm bir qədər illüziyaçı, həm də bir qədər psixoloq olmalıdır”.

O qeyd edib ki, biletlərin qiymətlərini müəyyən edərkən əhalinin imkanları da nəzərə alınır: “Biz çalışırq ki, biletlərin qiymətini əhalinin alıcılıq qabiliyyətinə uyğun edək. Araşdırılsa, görmək olar ki, dünyada ucuz sirk biletləri Azərbaycandadır. Biz bu qiymətləri əhalinin alıcılıq qabiliyyətinə uyğun səviyyədə saxlayırıq”.

M.Hümbətov sirkdəki heyvanların xüsusi normativ qaydada qidalandırılmalı olduğunu da bildirib: “Heyvanların qida rasionu çox geniş və rəngarəngdir. Heyvanlar hər şey yemirlər. Onların yedikləri qidalar təmiz, keyfiyyətli olmalıdır. Bəzən elə bilirlər ki, heyvanlar ancaq ət yeyir. Ancaq, məsələn, bəzi ayılar heç ət yemir. Onlar təmiz bal, müxtəlif meyvə və giləmeyvələr, peçenyelər, qatılaşdırılmış südlə qidalandırılır. Onlar qiymətli heyvan olduğundan bu cür qidalandırılması vacibdir”.

Onun sözlərinə görə, heyvanlar üçün qidaları onları gətirən səyyar sirklərin əməkdaşları alırlar.

Bakı Dövlət Sirkinin dövlətdən qismən dotasiya alan müəssisə olduğunu xatırladan M.Hümbətov əlavə edib ki, işçilərinin əməkhaqqından başqa, bütün digər xərcləri Bakı Dövlət Sirki özü ödəyir.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
1 baxış dekabrda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Dövlət Yol Polisindən açıqlama Bakucity.az xəbər verir ki, son günlər minik avtomobilləri ilə yükdaşıma fəaliyyəti göstərən və istismara yararsız nəqliyyat vasitələrini idarə edən sürücülər tərəfindən törədilən yol-nəqliyyat hadisələri və digər xoşagəlməz hallar çoxalıb. Bununla əlaqədar Baş Dövlət Yol Polisi İdarəsi bəzi məqamları həmin nəqliyyat vasitələrini idarə edən sürücülərin və digər hərəkət iştirakçılarının diqqətinə çatdırır. Bunu da oxu: Bakıda...
Hadisələr
Sürücü özünə və polis əməkdaşına xəsarət yetirib Bakucity.az xəbər verir ki, dünən saat 16:40 radələrində paytaxtın Azadlıq prospekti ilə Həsən Əliyev küçəsinin kəsişməsində nasaz vəziyyətdə, yol hərəkətində istismarı mümkün olmayan “QAZ-31” markalı, 10-NR-899 dövlət nömrə nişanlı avtomobil üstündə 12 metr uzunluğa malik tikinti materialı-armatur daşımaqla yük daşıma qaydasını pozduğu üçün yol polisi əməkdaşları tərəfindən saxlanılıb.  Dövlət Yol Polisi İd...
Ekologiya
Bazar gününə olan hava şəraiti açıqlanıb Bakucity.az xəbər verir ki, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşama doğru çiskinli olacağı ehtimalı var. Gecə və səhər bəzi yerlərdə duman olacaq. Mülayim cənub-qərb küləyi gündüz arabir güclənən şimal-qərb küləyi ilə əvəz olunacaq.  Bu barədə Ekologiya və Təbii Sərvətlər Nazirliyinin Milli Hidrometeorologiya Depart...
Kriminal
Qəza piyadanın xəsarət alması ilə nəticələnib Bakucity.az xəbər verir ki, Bakıda piyadanın xəsarət alması ilə nəticələnən yol-nəqliyyat hadisəsi baş verib. Bu barədə Daxili İşlər Nazirliyi məlumat yayıb. DİN-in Təhlükəsiz Şəhər Xidməti və Yasamal rayon Polis idarəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Röyal Eynullayevin xəsarət alması ilə nəticələnən yol-nəqliyyat hadisəsini törətməkdə şübhəli bilinən “KİA...
Hakimiyyət
"Azərişıq" ASC-nin Tədris Mərkəzinə yeni direktor təyin edilib Bakucity.az xəbər verir ki, Araz Məmmədzadə "Azərişıq" ASC-nin Tədris Mərkəzinə yeni direktor təyin edilib. O, indiyə qədər səhmdar cəmiyyətinin Satış Departamentində çalışıb və yeni vəzifəsində bir qədər əvvəl “Azərenerji” ASC-nin prezidenti Balababa Rzayevin müşaviri təyin edilmiş Vüqar Əliyevi əvəz edib. / "Report" Bakucity.az
İdman
Yarış 3 gün davam edib Bakucity.az xəbər verir ki, Sərhədçi İdman Olimpiya Mərkəzində yeniyetmələr arasında keçirilən cüdo üzrə Bakı şəhər açıq birinciliyinə yekun vurulub. 3 gün davam edən turnirdə oğlanlar və qızlar 9 çəki dərəcəsində paytaxt birinciliyinin qaliblərini elan ediliblər.  Xumar Qasımzadə (36 kq), Nəzakət Hüseynova (40 kq), Lətifə Abbasova (44 kq), Fatimə Məmmədli (48 kq), Zeynəb Məmmədova (52 kq), Aytac Qardaşxanlı (57 kq), Səma Əliyeva (63...
Hadisələr
Nəticədə 2 avtomobil toqquşub Bakucity.az xəbər verir ki, hadisə bu gün səhər 08:45-də, Mehdi Hüseynzadə parkının yaxınlığında baş verib. Bakıxanov küçəsindən C.Cabbarlı küçəsinə dönən "Hyundai" markalı 90-PU-669 dövlət qeydiyyat nişanlı avtomobilin Tbilisi prospektindən gələn "Toyota" markalı 90-TR-701 dövlət qeydiyyat nişanlı maşını gözləməməsi səbəbindən qəza baş verib. Hər iki avtomobilə ziyan dəyib. Trend.az Bakucity.az
Cəmiyyət
Müasir standartlara uyğun təmizləyici qurğuları olmayan 5 restoran bağlanır Bakucity.az xəbər verir ki, Bakıda fəaliyyət göstərən “Arzu”, “Mega Palace”, “Gilavar”, “Kəndimiz”, “Şahzadə” və  “Çanaqqala” restoranlarının bağlanması məhkəmənin yekun qərarından sonra gerçəkləşəcək.  Bununla bağlı Ekologiya və Təbii Sərvətlər Nazirliyinin mətbuat xidmətindən məlumat verilib. Bakucity.az
Cəmiyyət
Gənc Parlament üzvlərinin 5-ci Qlobal konfransı işini davam etdirir Bakucity,az-ın məlumatına görə, 44 ölkədən 250-yə yaxın nümayəndənin iştirakı ilə keçirilən Parlamentlərarası İttifaqın Gənc Parlament üzvlərinin 5-ci Qlobal konfransı işini davam etdirir. Konfransda dayanıqlılığın təşviqi, gələcək nəsillərin maraqlarının müdafiəsi məsələləri müzakirə olunur. Dekabrın 14-də başlayan konfrans öz işini bu gün yekun sənədlə başa vuracaq. Bakucity.az