"Bakı Elektron Ticarət Forumu 2018" davam etdir

"Bakı Elektron Ticarət Forumu 2018" davam etdir

E-ticarətlə məşğul olan yerli və xarici mağazalar məhsullarını nümayiş etdirirlər

Nəqliyyat, Rabitə və Yüksək Texnologiyalar Nazirliyinin təşəbbüsü, Avropa İttifaqının və BMT-nin Ticarət və İnkişaf üzrə Konfransının dəstəyi ilə "Bakı Elektron Ticarət Forumu 2018" sentyabrın 25-də işini davam etdirir.

Bakucity.az xəbər verir ki, forumun ikinci günü "E-kommersiya bacarıqlarının inkişafı", "Elektron kommersiyanın inkişafı üçün İKT infrastrukturu və xidmətləri", "Maliyyələşdirilmə əlçatanlığı" mövzusunda keçirilən sessiyalarda Avropa İttifaqı, Dünya Bankı, Ümumdünya Ticarət Təşkilatı, Avropa Yenidənqurma və İnkişaf Bankı, Beynəlxalq Ticarət Mərkəzi, Beynəlxalq Telekommunikasiya İttifaqı, Ümumdünya Poçt İttifaqı və digər beynəlxalq təşkilatların nümayəndələri və elektron ticarətin inkişafı üzrə tanınmış beynəlxalq ekspertlər çıxış edəcəklər.

Tədbir çərçivəsində təşkil olunan sərgidə e-ticarətlə məşğul olan yerli və xarici mağazalar öz həllərini və məhsullarını nümayiş etdirirlər.

Qeyd edək ki, ümumilikdə forum regionda elektron ticarətin inkişafı üçün müvafiq tövsiyələri nəzərdən keçirmək və praktik tətbiq imkanlarının müəyyənləşdirilməsi üzrə beynəlxalq platforma rolunda çıxış edir.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər