Bakı məktəblərində valideynlərlə görüşlər keçirilir

Bakı məktəblərində valideynlərlə görüşlər keçirilir

Yeni dərs ili başlayandan Bakı məktəblərində valideynlərlə görüşlər davam edir

“Məktəblinin dostu” layihəsi çərçivəsində keçirilən görüşlərin əsas məqsədi məktəb-valideyn münasibətlərinin gücləndirilməsidir.  Layihə, layihənin fəaliyyət göstərdiyi müddət ərzində həyata keçirilən tədbirlər, görülən işlər barədə valideynlərə ətraflı məlumat verməkdən ibarətdir.

Bu barədə Bakucity.az-a Bakı şəhəri üzrə Təhsil idarəsindən məlumat verilib.

Qeyd edək ki, “Məktəblinin dostu” pilot layihəsi Təhsil Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə tərəfdaşlığı ilə Bakı şəhərindəki 32 ümumi təhsil müəssisəsini əhatə edir. 

Layihənin həyata keçirilməsində əsas məqsəd məktəblərdə səmərəli mühitin formalaşması işinə töhfə vermək və tam təhlükəsiz mühit yaratmaqdan, fövqəladə hal baş verdikdə ilk tibbi və psixoloji yardım göstərmək, mütəmadi olaraq şagird-valideyn, təlim-tərbiyə müəssisələrinin kollektivi ilə maarifləndirmə, diaqnostik işlər aparmaqdan ibarətdir.

Ramilə Qardaşxanqızı

Bakucity.az

Bakı məktəblərində valideynlərlə görüşlər keçirilir, fotoşəkil-1 Bakı məktəblərində valideynlərlə görüşlər keçirilir, fotoşəkil-2 Bakı məktəblərində valideynlərlə görüşlər keçirilir, fotoşəkil-3
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər