Bakıda “Karyerada ilk addım” məşğulluq tədbiri keçirilib

Bakıda “Karyerada ilk addım” məşğulluq tədbiri keçirilib

Məqsəd işəgötürənləri təqdim etmək, gənclərin işlə təmin edilməsidir

Bakıda keçirilən “Karyerada ilk addım” aktiv məşğulluq tədbirində 53 müəssisə üzrə 254 vakant iş yeri təqdim edilib.

Bu barədə Bakucity.az-a nazirliyin İctimaiyyətlə əlaqələr şöbəsindən məlumat verilib. 

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən ali təhsil müəssisələrinin tələbə və məzunlarının əmək bazarına uğurlu inteqrasiyası üçün Odlar Yurdu Universitetində “Karyerada ilk addım” devizi altında növbəti aktiv məşğulluq tədbiri keçirilib.

Əmək və əhalinin sosial müdafiəsi nazirinin müavini Mətin Kərimli çıxış edərək, gənclərin məşğulluğa cəlb etdirilməsi istiqamətdə işlərin davam etdiyini vurğulayıb.

M.Kərimli məşğulluq orqanları tərəfindən cari ilin yanvar-sentyabr aylarında işlə təmin edilən 41.5 min nəfərdən 11 min 652-nin gənc olduğunu qeyd edib. O, həmçinin əlavə edib ki bu ilin 9 ayında məşğulluq orqanları tərəfindən 1691 nəfər üçün peşə hazırlığı və əlavə təhsil kursları təşkil olunub ki, onlardan təxminən 900 nəfərini gənclər təşkil edib.

Özünüməşğulluq proqramında da gənclərin iştirakına xüsusi əhəmiyyət verildiyini bildirən nazir müavini qeyd edib ki, ötən il proqrama cəlb edilərək kiçik ailə təsərrüfatlarını yaradanların 1000 nəfəri gəncdir.

“Karyerada ilk addım” devizi altında təşkil olunan tədbirlərin məqsədi gənclərin əmək bazarına inteqrasiyasının dəstəklənməsi, işəgötürənlərlə ilkin əlaqələr qurmaları üçün şərait yaratmaqdır.

Tədbirdə Bakı şəhərinin rayon məşğulluq mərkəzləri ilə əməkdaşlıq edən 53 işəgötürən müəssisə və təşkilat iştirak edib. Bunlardan 3-ü dövlət, 50-si qeyri-dövlət müəsisəsidir.

İşəgötürənlər tədbirə 254 boş iş yeri təqdim ediblər ki, onlardan da 29-u dövlət, 225-i qeyri-dövlət işləridir.

Ramilə Qardaşxanqızı

Bakucity.az

Bakıda “Karyerada ilk addım” məşğulluq tədbiri keçirilib, fotoşəkil-1 Bakıda “Karyerada ilk addım” məşğulluq tədbiri keçirilib, fotoşəkil-2 Bakıda “Karyerada ilk addım” məşğulluq tədbiri keçirilib, fotoşəkil-3 Bakıda “Karyerada ilk addım” məşğulluq tədbiri keçirilib, fotoşəkil-4 Bakıda “Karyerada ilk addım” məşğulluq tədbiri keçirilib, fotoşəkil-5 Bakıda “Karyerada ilk addım” məşğulluq tədbiri keçirilib, fotoşəkil-6 Bakıda “Karyerada ilk addım” məşğulluq tədbiri keçirilib, fotoşəkil-7 Bakıda “Karyerada ilk addım” məşğulluq tədbiri keçirilib, fotoşəkil-8
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər