Məktəblərdə maarifləndirici tədbirlər keçirilib

Məktəblərdə maarifləndirici tədbirlər keçirilib

Bakı məktəblərində “Hər vərəqi bir yarpağa dəyişək” adlı maarifləndirici tədbirlər keçirilib 

Bu barədə Bakucity.az-a Bakı Şəhər üzrə Təhsil İdarəsindən məlumat verilib.  

IDEA İctimai Birliyi, “ASAN xidmət”, Azərbaycan Kağız və Karton İstehsalak Kombinatının birgə həyata keçirdiyi tədbirlərin əsas məqsədi ekoloji maarifləndirməyə diqqət çəkmək, kağız israfını azaltmaq, təkrar emalı təşviq etmək yolu ilə ağacların qorunmasına, təbiətin mühafizəsinə və ekoloji balansın saxlanılmasına nail olmaqdan ibarətdir.

Bakı Şəhəri üzrə Təhsil İdarəsinin tabeliyindəki 13, 52 və 167 nömrəli tam orta məktəblərdə keçirilən görüşlərdə VIII-X sinif şagirdləri və müəllimlər iştirak ediblər.

Görüşlərdə müasir ekoloji problemlərin yaratdığı fəsadlar, bu sahə üzrə ölkədə aparılan işlər və ölkə vətəndaşlarının ətraf mühitin qorunmasındakı rolundan bəhs edən videoçarx nümayiş olunub.

Tədbirlərdə təkrar emala yararlı kağız və plastik tullantıların yenidən istehsalına verə biləcəkləri dəstək barədə iştirakçılarla fikir mübadiləsi aparılıb və onları maraqlandıran suallar cavablandırılıb.

Qeyd edək ki, təkrar istehsal prosesilə əyani tanışlıq üçün məktəbin müəllim və şagird kollektivinin fabrikə ekskursiyası planlaşdırılır.

Ramilə Qardaşxanqızı

Bakucity.az

Məktəblərdə maarifləndirici tədbirlər keçirilib, fotoşəkil-1 Məktəblərdə maarifləndirici tədbirlər keçirilib, fotoşəkil-2
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər