Tatyana Anodina Bakıda işgüzar səfərdədir

Tatyana Anodina Bakıda işgüzar səfərdədir

Dövlətlərarası Şuranın beynəlxalq tədbirləri müzakirə olunub

Mülki Aviasiya və Hava Məkanından İstifadə üzrə Dövlətlərarası Şuranın prezidenti, professor Tatyana Anodina Azərbaycanda işgüzar səfərdədir.

“Azərbaycan Hava Yolları” QSC-nin mətbuat xidmətindən Bakucity.az-a bildirilib ki, səfər çərçivəsində Tatyana Anodina Baş nazir Novruz Məmmədov, Azərbaycan Respublikası hökumətinin nazirləri ilə görüşlər keçirib. Görüşlərdə Dövlətlərarası Şura tərəfindən 2015-2018-ci illərdə Azərbaycanda və onun hüdudlarından kənarda keçirilən böyük beynəlxalq tədbirlər müzakirə olunub.

Tatyana Anodina mülki aviasiya obyektlərini və təşkilatlarını ziyarət edib, AZAL-ın prezidenti Cahangir Əsgərov ilə görüşüb. Tərəflər uçuşların təhlükəsizliyinin bundan sonra da artırılması, aviasiya texnikası, hava limanları və təmir müəssisələrinin sertifikatlaşdırılması məsələlərini nəzərdən keçiriblər.

Dövlətlərarası Şuranın prezidenti IX Azərbaycan-Rusiya Regionlararası Forumun işində iştirak edib.

Tatyana Anodina bu günlərdə Bakıda keçirilən Cüdo üzrə Dünya Çempionatının yarışlarına da baxıb.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər