Bakı məktəblərində Beynəlxalq Ahıllar Günü qeyd olunub

Bakı məktəblərində Beynəlxalq Ahıllar Günü qeyd olunub

1 oktyabr – Beynəlxalq Ahıllar Günü qeyd edilib

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 oktyabr – Beynəlxalq Ahıllar Günü qeyd edilib.

Bu barədə Bakucity.az-a Bakı Şəhəri üzrə Təhsil İdarəsindən məlumat verilib.  

“Beynəlxalq Ahıllar Günü” münasibətlə tədbirlər keçirilib, bir sıra məktəblərin müəllim-şagird heyətinin Bilgəh qəsəbəsində yerləşən Qocalar evinə ziyarətləri təşkil olunub. 

Tədbirlərdə BMT Baş Məclisinin 1992-ci ildə ahılların müdafiəsi ilə bağlı qəbul etdiyi qətnamənin prinsiplərinə uyğun olaraq, hər il 1 oktyabr tarixinin Beynəlxalq Ahıllar Günü kimi qeyd edildiyi şagirdlərin diqqətinə çatdırılıb. Bildirilib ki, ölkəmizdə də qeyd olunan bu gün əsasən yaşlılara və ahıllara qayğının daha da artırılması, onlara müxtəlif yardımların edilməsi ilə yadda qalır.

Qocalar evinə təşkil olunan ziyarət zamanı şagirdlər qocalarla maraqlı söhbətlər edib, xüsusi qayğıya, sevgiyə ehtiyacı olan ahılları sevindiriblər.

Görüşlərdə həmçinin, məktəblilər yaşlılara olan sevgilərini, diqqət və qayğılarını öz ifalarındakı şeir və mahnılarla ifadə ediblər.

Daha sonra şagirdlər ahıllara hədiyyələr verib və onlarla xatirə şəkill çəkdiriblər.

Bakucity.az

Bakı məktəblərində Beynəlxalq Ahıllar Günü qeyd olunub, fotoşəkil-1 Bakı məktəblərində Beynəlxalq Ahıllar Günü qeyd olunub, fotoşəkil-2
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər