Qəza törədən sürücünün narkotik istifadəçisi olduğu deyilir

Qəza törədən sürücünün narkotik istifadəçisi olduğu müəyyən edilib

Bakucity.az xəbər verir ki, dünən Binə-Qala şosesinin 34-cü kilometrliyində baş verən qəza zamanı sürücü də xəsarət alıb. Müayinə zamanı onun narkotik istifadəçisi olduğu müəyyən edilib. 

Bu barədə Sputnik Azərbaycan-a Bakı şəhər DYP-nin sözçüsü, polkovnik Vaqif Əsədov məlumat verib.

O bildirib ki, avtobusun sürücüsü, 1986-cı il təvəllüdlü Şıxəliyev Əlixan Əlibaba oğlu bu hadisədən öncə də ölümlə nəticələn yol qəzası törətdiyinə görə həbs edilib. May ayında azadlığa çıxdıqdan sonra yenidən sürücü kimi fəaliyyətə başlayıb:

"Dünənki hadisədən sonra o yoxlanılıb və müəyyən edilib ki, həmin şəxs narkotik istifadəçisidir. Yəni qanında narkotik vasitə aşkar edilib".

V.Əsədovun sözlərinə görə, cinayət işi Dəmiryolunda Baş Polis İdarəsində açılıb:

"Hadisə zamanı sərnişinlər müxtəlif xəsarət alıblar. Bir neçə il əvvəl Lökbatan ərazisində də belə bir hadisə baş vermişdi. Yol hərəkəti haqqında Qanunun tələblərinə görə, dəmiryol ilə avtomobil yolunun kəsişməsində konkret tələblər var. Onları mütləq şəkildə yerinə yetirmək lazımdır".

Əgər orada şlaqbaum olubsa, yol bağlı olubsa, sürücü dayanmalı idi. Şlaqbaum yox idisə, sürücü sayrışan işıqları nəzərə almalı idi. Hər bir halda avtobus sürücüsü diqqətli olmalı idi. Belə hesab edirəm ki, istintaq zamanı bütün detallar nəzərə alınacaq və tezliklə hadisəyə hüquqi qiymət veriləcək" - Əsədov əlavə edib.

Əsədov qeyd edib ki, onda olan məlumata görə, hadisə zamanı 40 nəfər xəsarət alıb və 2 nəfər dünyasını dəyişib.

Bu arada, sosial şəbəkələrdə dünən Binə Qala yolunun 34-cü kilometrliyində baş verən qəzanın görüntüləri yayılıb. Video görüntülərdən məlum olur ki, qatar yolunda şlaqbaum endirilməyib, sürücülər yola qatarın yaxınlaşmasından xəbərsiz olublar. Görüntülərdən aydın olur ki, qatar yolu birtərəfli qaydada bağlanıb, yəni yolun bir tərəfində şlaqbaum var, avtobusun hərəkət etdiyi hissədə isə yoxdur.

Hər gün həmin yol ilə gedib-gəldiyini deyən ərazi sakini Mübariz Göyüşov sayta bildirib ki, qatar gələn zaman o yolda olan nəzarətsizlik, laqeydlik insanda acı təəssüf hissi yaradırdı:

"Qatar gələn zaman yolun hər iki hissəsi bağlanmalı olduğu halda ən yaxşı halda bir hissəsi bağlanır, ən pis halda isə ümumiyyətlə bağlanmırdı. Dəmiryolu xəttini keçən zaman düşünürdüm ki, bir gün burada ağır bir faciə yaşanacaq. Kimə üz tuturdun, kimə deyirdinsə, ya laqeyd yanaşırdılar, ya da sadəcə gülümsünürdülər. Nəticəsi və olacağı bu idi".

"Azərbaycan Dəmir Yolları" QSC-nin mətbuat xidmətinin rəhbəri Sevinc Qədirova isə sözügedən sayta belə şərh verib ki, yayılan videoda görüntü tam aydın olmadığına görə, şlaqbaumun olub-olmadığı müəyyən edilmir:

"Məsələ tərəfimizdən araşdırılır. Daha keyfiyyətli görüntülər əldə edib, daha ətraflı məlumat veriləcək".

DYP sözçüsü V.Əsədovun 2 nəfərin öldüyünə dair açıqlamasına gəlincə, Səhiyyə Nazirliyinin mətbuat xidmətinin əməkdaşı Səfayə Əhmədovanın Sputnik Azərbaycan-a açıqlamasında ikinci ölüm halının qeydə alınmadığını deyib: "Hazırda xəstəxanada 12 nəfər müalicə alır. Dünənki qəzada xəsarət alanlardan 3 saylı Şəhər Klinik Xəstəxanasında 12 nəfər müalicəsini davam etdirir. Onların 5-i reanimasiya şöbəsində yerləşdirilib ki, həmin şəxslərin də 2-sinin vəziyyəti ağırdır. Xəstəxananın travmatologiya şöbəsində 2-si uşaq olmaqla 7 nəfər müalicəsini davam etdirir".

S.Əhmədova onu da bildirib ki, indiyə qədər xəstəxanada 3 xəstə üzərində cərrahiyyə əməliyyatı həyata keçirilib: "Qəza zamanı yaralanan şəxslərdən 6-sı Kliniki Tibbi Mərkəzə (KTM) yerləşdirilmişdi. Onlardan 2-si artıq ambulator yardım alaraq evə buraxılıb. Hazırda KTM-də müalicə edilən 4 xəstədən birinin vəziyyəti ağır (böyrəkləri çıxarılıb), qalanlarının vəziyyəti isə orta ağırdır".

"Elmi Tədqiqat Travmatologiya İnstitutuna yerləşdirilmiş 3 nəfərdən 1-i də ambulator yardım alaraq evə buraxılıb. Qalan iki nəfərin vəziyyəti orta ağırdır. Xəstələrdən birinin çiynində sınıq olduğu üçün onun əməliyyat ediləcəyi gözlənilir" - qurum səlahiyyətlisi əlavə edib.

Xatırladaq ki, dünən Xəzər rayonunun Binə qəsəbəsində 160 saylı marşrutla hərəkət edən 10 TG 106 dövlət nömrə nişanlı sərnişin avtobusu ilə qatar toqquşub. Nəticədə 34 nəfər xəsarət alıb, bir nəfər ölüb. Qeyd edək ki, qəzaya uğrayan yük qatarı Dübəndiyə gedirmiş, onun qoşqusunda 12 boş çən olub.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Ekologiya
Bakının Baş planı nə vaxt hazır olacaq? Bakucity.az xəbər verir ki, Azərbaycan Dövlət Şəhərsalma və Arxitektura Komitəsi Bakının Baş planını növbəti ilin sonuna qədər hazırlamağı nəzərdə tutur.  Bunu jurnalistlərə açıqlamasında Dövlət Şəhərsalma və Arxitektura Komitəsinin sədr müavini Dövlətxan Dövlətxanov bildirib. Report-un məlumatına görə, Bakının Baş planı ilə bağlı artıq bir sıra işlər həyata keçirilib. "Hazırda Bakının Baş planının hazırlanması üçün...
Cəmiyyət
Heydər Əliyev prospektində rənglənmə işi aparılacaq.  Azərbaycan Avtomobil Yolları Dövlət Agentliyindən daxil olan məlumata görə, prospektdə yerləşən "Atletlər kəndi" (Nəqliyyat Agentliyi) qarşısında üfüqi nişanlanma xətlərinin yenidən rənglənməsi işləri aparılacaq. Sürücülərdən müvəqqəti yol nişanlarına və yol hərəkəti qaydalarına əməl etmələri xahiş olunur. Bakucity.az
Cəmiyyət
Oktyabrın 24-nə gözlənilən hava şəraiti açıqlanıb Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman, çiskin olacaq. Cənub-qərb küləyi gündüz arabir güclənəcək. Havanın temperaturunun Abşeron yarımadasında gecə 15-17, gündüz 21-25, Bakıda gec...
Cəmiyyət
Azərbaycanda səhiyyə, təhsil sahəsinə dövlət büdcəsindən ayrılacaq vəsait artırılır Bakucity.az-ın “Report”a istinadən xəbərinə görə, Azərbaycanın 2019-cu il dövlət büdcəsi zərfində qeyd olunub ki, gələn il Səhiyyə Nazirliyinə 2 milyon 283 min 168 manat vəsaitin ayrılması nəzərdə tutulur. Bunu da oxu: Nazirlik məlumat yaydı: Pensiyalar artırılıb Bu da 2018-ci illə müqayisədə 192 min 680 manat çoxdur. Təhsil Nazirliyinə isə 10 milyon 333 min 259 manat vəsai...
Cəmiyyət
Pensiyalar yenidən hesablanaraq artırılıb Bu il ərzində Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun şəhər və rayon şöbələrinə yaşa görə pensiya təyin edildikdən sonra azı 6 il işləmiş və hazırda da işləməkdə davam edən 36 minə qədər vətəndaş müraciət edib. Bu barədə Əmək və Əhalinin Sosial Müdafiəsi Nazirliyindən məlumat verilib. Bunu da oxu: Səhiyyə və təhsil sahəsinə ayrılan vəsait artırılır - QƏRAR “Əmək pensiyalar...
Kriminal
Sürücüyə qarşı cinayət işi açılıb Oktyabrın 20-də saat 19:30 radələrində Cumayev Vüqar Nazim oğlunun idarə etdiyi “Mitsubishi Pajero” markalı, 90-EG-191 dövlət qeydiyyat nişanlı avtomobillə Abşeron rayonunun Saray qəsəbəsində hərəkətdə olarkən piyada Həbibov Malik Yusif oğlunu vurub ona müxtəlif dərəcəli bədən xəsarətləri yetirərək hadisə yerindən qaçmasında əsaslı şübhələr olduğundan fakta görə Abşeron rayon Polis İdarəsinin İstintaq Şöbəsində Cinayət Məc...
Hadisələr
Avtobus düşürdüyü sərnişini piyada keçidində vuraraq öldürüb Bakı şəhər Baş Polis İdarəsi və şəhər prokurorluğu avtobusun piyadanı vurub öldürməsi hadisəsi barədə rəsmi məlumat yayıb. Verilən məlumatda bildirilib ki, oktyabrın 19-da saat 11:30 radələrində paytaxtın Sabunçu rayonu ərazisində Zaur Quliyevin 131 saylı marşrut xətti üzrə idarə etdiyi “General Avtocompany” MMC-yə məxsus “Daewoo BS 090” markalı 90-TH-257 dövlət qeydiyyat nişanlı avtobusu yolun s...
Ekologiya
Sürüşmə zonasında yaranan çatlarda artım qeydə alınıb Ekologiya və Təbii Sərvətlər Nazirliyi tərəfindən yaradılan Qərargahdan verilən məlumata görə, sürüşmə zonasında saat 10:00-a olan monitorinqlərin nəticəsinə əsasən, ərazidə nisbi gərginlik qalmaqdadır: “Sürüşmə sahəsi üzərində xırda uçqun prosesləri davam edir. Sürüşmənin sağ və sol hissəsində qeydə alınan çatların parametrlərində nisbi artım qeydə alınıb. Sürüşmənin yuxarı hissəsində yerləşən fərdi ya...
Cəmiyyət
"Bu ferma Azərbaycanda, eləcə də Qafqazda ilk eşşək fermasıdır" Bakucity.az xəbər verir ki, bu haqda “Yeni Müsavat” məlumat yayıb. Artıq  sosial şəbəkələrdə “Donkey milk” adlı qurum mütəmadi olaraq pasterizə edilmiş eşşək südü satması ilə bağlı elanlar verir. Adı çəkilən qurumun Ümid adlı əməkdaşı bildirib ki, artıq Azərbaycanda da ilk eşşək ferması yaradılıb və burada istehsal olunan südün qiyməti o qədər də baha deyil: “Bizim ferma Abşeron rayonu Məhəmmə...