Kanadalılar Bakını özlərinə nümunə göstərirlər

Kanadalılar Bakını özlərinə nümunə göstərirlər

"Vankuverdən fərqli olaraq, Bakı muzeylər şəhəridir"

Kanadanın nüfuzlu "Vancouver Courier" qəzetində Azərbaycan paytaxtı Bakı şəhəri haqqında məqalə dərc edilib. Məqalədə müəllif Maykl Gellerin Bakı səfəri barədə təəssüratları yer alıb. Geller Bakını Kanadanın məşhur şəhərlərindən biri olan Vankuverlə müqayisə edir və müəyyən xüsusiyyətlərinə görə, Bakının Vankuverdən üstün olduğunu bildirir, bu üstün xüsusiyyətlərdən biri də müəllifin fikrincə, Azərbaycan paytaxtının möhtəşəm muzeylərlə zəngin olmasıdır. 

Kanadalılar Bakını özlərinə nümunə göstərirlər, fotoşəkil-1

Məqalənin girişində müəllif əvvəlcə onu Bakıya cəlb edən səbəbləri sadalayır. Ölkənin ekzotik adı, müxtəlif məkanlarda gördüyü Bakını əks etdirən təsvirlər və ölkənin zəngin tarixi onun Bakını ziyarət etməsinə səbəb olubmuş. Bu girişdən sonra Geller Bakıda gördüklərini təsvir etməyə başlayır: 

"Əsrlər boyunca bu şəhər qala səddiylə əhatə olunmuş İslam orta əsr şəhərindən əvvəlcə mərkəzi zəngin neft baronların tikdirdiyi ecazkar binalara, sonra cansıxıcı Sovet memarlığına, bunun ardınca isə bugünkü heyratamiz müasir dizaynlı şəhərə doğru transformasiya edib.

Şəhər mərkəzində gəzərkən, mən onu Vankuverdə baş verənlərlə müqayisə etməyə bilmirdim. Bakıda tikililərin qeyri-adi sıralanması var, Vankuverdə isə çoxları yeni duplekslərin şəhərin görünüşünü korlayacağından möhkəm narahatlıq keçirirlər...

Kanadalılar Bakını özlərinə nümunə göstərirlər, fotoşəkil-2

Metro Vankuverlə eyni miqyasda olan bu şəhərdə məni heyrətləndirən məqamlardan biri də Bakının muzeylərlə zəngin olması idi. Sözün həqiqi mənasında Bakı muzeylər şəhəridir, bunlara misal kimi çörək, tarix, müasir incəsənət, etnologiya, ədəbiyyat (hətta birisi miniatür kitablara həsr olunub), adət-ənənə, tibb, kənd-təsərrüfatı və yenicə istifadəyə verilmiş bükülmüş xalça şəklində dizayn edilmiş xalça muzeyini göstərmək olar. 

Mən Bakını muzey qıtlığı olan Vankuverlə müqayisə etməyə bilmədim. 

Bu mənada, memarlar və planlaşdırıcılar qrupu var ki, Vankuverin də bir gün "Urbanarium", yaxud şəhər muzeyi olacağına ümid edirlər... 

Şəhərəmizin göz önündə necə transformasiyasına etdiyini gördüyümüz bugünlərdə, gəlin ümid edək ki, Urbanarium Vankuverin sakinlərinə və ziyarətçilərinə bizim keçmişimiz və gələcəyimiz barədə daha çox şey öyrənməyə imkan verəcək". 

Bakucity.az

Bakı Kanada Məqalə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər