Bakıda növbəti "fırıldaq" - adam özünü maşının altına atır

Bakıda növbəti "fırıldaq" - adam özünü maşının altına atır , Javid

Şəhər sakinləri fırıldaqçını ifşa ediblər

Bakının Nərimanov rayonunun Yusif Vəzir Çəmənzəminli küçəsində müşahidə kameralarına düşən növbədi fırıldaq hadisəsi baş verib. 

Bakucity.az-ın 1news.az-a istinadən xəbərinə görə, kamera qeydlərində görünür ki, "Hyundai IX 35" markalı avtomobilin sürücüsü maşını yavaş-yavaş geriyə verir. 

Bu anda yaxınlıqdan keçən piyada özünü maşının altına atır. Bundan sonra o, özünü elə göstərir ki, guya avtomobil onu əzib və ona ağır zədə vurub. 

Yaxınlıqdan keçənlər fırıldaqçının sözlərinə inanırlar və ona təcili yardım göstərməyə çalışırlar. Bu cür quraşdırılmış oyunun məqsədi isə sürücüdən "ağır zədə vurmaq" iddiasıyla pul qopartmaqdır. 

"Hadisə bizim ofisimizin qarşısında baş verdi, biz həmin anda işdən çıxmaq üzrəydik. Hamımız çox pis qorxduq. Bu adam fırıldaqçıdır, onu çox adam tanıyır. İfşa olunduğunu görəndə o, sadəcə olaraq ayağa qalxdı, üstündəki tozu çırpdı və hadisə yerindən uzaqlaşdı", - video görüntüləri təqdim edən qadın bildirib. 

Həmin kadrları təqdim edirik. 

Bakucity.az

Qəza avtomobil fırıldaqçı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər