Bakıda məktəbli intihara cəhd etdi - TƏFƏRRÜAT

Bakıda məktəbli intihara cəhd etdi - TƏFƏRRÜAT

Uşaq radikal dini təriqətə üzv olan valideynlərin təsiri altında olub

Bakucity.az-ın Sputnikə istinadən xəbərinə görə, Ələt qəsəbəsindəki 302 nömrəli orta məktəbdə məktəbli intihara cəhd edib. Hadisə 10 oktyabr tarixində baş verib. Üçüncü sinif şagirdi məktəbin pəncərəsindən özünü atmaq istəyib. Bu barədə Qaradağ rayon polis bölməsindən bildirilib. Uşağın radikal islam təriqətlərindən birinə üzv olan valideynlərinin təsiri altında intihara cəhd etdiyi iddia edilir. 

Verilən məlumata görə, Ələt qəsəbəsi 302 nömrəli məktəbdə təhsil alan 2010-cu il təvəllüdlü A.Q. məktəbin üçüncü mərtəbəsinin pəncərəsinə dırmaşıb və özünü öldürmək istədiyini bəyan edib. Xoşbəxtlikdən uşağı xilas etmək mümkün olub. Hazırda hadisə barəsində istintaqı Qaradağ rayon prokurorluğu aparır. 

Məktəbdən verilən açıqlamaya görə, azyaşlı məktəbli radikal islam təriqtələrindən birinin üzvü olan valideynlərinin neqativ təsiri altındadır. 

"Hadisə tənəffüs vaxtı baş verib. 3-cü sinif şagirdi üçüncü mərtəbəyə qalxıb və özünü pəncərədən atmaq istəyib. Bu uşaq dərslərindən geri qalır, onun valideynləri isə fanatik dərəcəsində dindardırlar. Bu məktəblinin qardaşı da bizim məktəbimizdə ikinci sinifdə oxuyur. Bu uşaqların babası bir dəfə məktəbimizə müraciət edib demişdi ki, onun oğlu radikal məzhəblərdən birinə qoşulub", - məktəbdən bildiriblər. 

Uşaqların babası məktəb direktorundan xahiş edibmiş ki, uşaqların təhsil alması məsələsini nəzarətdə saxlasın. Direktor hətta məktəblilərin evində olub və uşaqların valideynləri ilə söhbət aparıb. Uşaqlarla işləmək üçün həmçinin psixoloq və müəllim də cəlb edilib. 

Bildirilir ki, məktəblilər dərslərdən müəyyən qədər geri qalsalar da, onların dərslərdən qaçması kimi hal yaşanmayıb. 

Hazırda cavabdeh qurumlar intihara cəhd edən məktəblinin naməlum sektaya üzv olan valideynlərini araşdırırlar.  

Bakucity.az

İntihar Məktəbli Şagird
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər