Bakıda şagirdləri zəhərləyən uşağa gözyaşardıcı qazı anası alıbmış

Bakıda şagirdləri zəhərləyən uşağa gözyaşardıcı qazı anası alıbmış , Javid

Məktəbin rəhbərliyinə ayıq-sayıq olmaq tapşırığı verilib

Bakucity.az-ın "Sputnik"ə istinadən xəbərinə görə, Bakı məktəbində gözyaşardıcı qaz partladan şagirdin işi barədə yeni təfərrüatlar məlum olub. Suraxanı rayon 30-cu polis bölməsinin əməkdaşları 76 saylı orta məktəbdə gözyaşardıcı qazdan kimin istifadə etdiyini müəyyənləşdiriblər. 

Xatırladaq ki, 10 Oktyabr tarixində 10 şagird Klinik tibbi xəstəxananın toksikologiya şöbəsinə yatırdılıb. Şagirdlərdən biri uşaqların arasında gözyaşardıcı qazdan istifadə edib, bundan sonra isə təşviş yaşanıb. Hadisə nəticəsində bir oğlan daxil olmaqla, 8 qız xəstəxanaya çatdırılıb. 

Uşaqları müayinə edən həkimlər onlarda toksik zəhərlənmə aşkar etməyiblər - əvəzində isə, onlarda boğulma, sürətli ürək döyüntüsü və isterik nevroza bənzəyən hal müşahidə olunub. 

Araşdırma nəticəsində məlum olub ki, hadisə 11:00 radələrində baş verib. 2007-ci il təvəllüdlü 6-cı sinif şagirdi A.B. 1982-ci il təvəllüdlü anasının (etik səbəblərdən dolayı ad çəkmirik) ona verdiyi  gözyaşardıcı qaz balonunu məktəbə gətirib. A.B. qaz balonunu necə işlədiyini bilmək istəyən M.M. adlı sinif yoldaşına verib. O isə göz yaşardıcı qazı işə salıb, nəticədə 10 nəfər şagird tibbi yardım üçün Toksikologiya mərkəzinə yerləşdirilib. 

Hadisənin günahkarları ilə hüquq-mühafizə orqanlarının əməkdaşları müzakirələr aparıblar. Məktəb rəhbərliyinə isə gələcəkdə daha ayıq-sayıq olmaq və məktəblilərin çantasını yoxlamaq tapşırılıb. 

Bakucity.az

Gözyaşardıcı qaz Bakı şagird məktəb hadisə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər