“Yaşıl dalğa” bulvarda aksiya keçirdi

“Yaşıl dalğa” bulvarda aksiya keçirdi, Javid

Tədbir Dünya Yaşayış Məskənlərinin Müdafiəsi Gününə həsr olunub

Bakucity.az xəbər verir ki, bu gün Dənizkənarı Milli Parkda “Sərhədsiz diplomatiya” Beynəlxalq Uşaq Diplomatiyası Mərkəzinin fəaliyyəti çərçivəsində Bakı Avropa Liseyinin təşəbbüsü və Azərbaycan Milli Elmlər Akademiyasının Botanika İnstitutunun, Mərkəzi Nəbatat Bağının və Dənizkənarı Bulvar İdarəsinin dəstəyi ilə ”Yaşıl dalğa” ekoloji hərəkatının ilk aksiyası keçirilib. Tədbir Dünya Yaşayış Məskənlərinin Müdafiəsi Gününə həsr olunub. 

Azərbaycanda ekoloji problemlərə ölkə rəhbərliyi tərəfindən daima diqqət yetirilir. Aksiya zamanı şagirdlərə Azərbaycan Respublikası Prezidenti İlham Əliyevin “Ekologiyanın müdafiəsi- xalqın sağlamlığının, milli genefondun müdafiəsi deməkdir” fikrinin əhəmiyyəti aşılanıb. 

Azərbaycanın endem bitkilərinin qorunmasını təbliğ edən ekoloji aksiyanın əsas məqsədi bəşəriyyətin gələcək inkişafının  qayğısına qalmaq və qlobal ekosistemin tarazlaşdırılmasının bərpası  estafetini qəbul edəcək  gənc nəslin diqqətini ətraf aləmin bugünkü problemlərinə cəlb etməkdir. 

Aksiyada Bakı Avropa Liseyinin, Heydər Əliyev adına Müasir Təhsil Kompleksinin,Bakı şəhərinin 6 və 132-134 nömrəli məktəblərinin şagirdləri iştirak edib.

Tədbirin “Vernisaj” adlanan ilk hissəsində şagirdlərin Dənizkənarı Milli Parkda Azərbaycanın endem florasına aid çəkdikləri rəsmlər sərgilənib.

Daha sonra AMEA-nın Botanika İnstitutununSistematika və biomüxtəliflik şöbəsinin müdiri dos. Rəşad SəlimovşagirdlərəAzərbaycan endemləri barədə interaktiv mühazirə keçib.

Sonda şagirdlərə endem bitkilərin toxumlarıtəqdim olunub, onlara bu bitkilərə Novruz bayramına qədər öz evlərindənecə qulluq edəcəkləri və sonradanəkəcəkləri haqqında təlimat verilib. 

Aksiya iştirakçılarının bir qismi Azərbaycanın “Qırmızı Kitabı”na salınan və digər endembitkilərin tinglərini (dəmir ağacı, Lənkəran akasiyası, nar ağacı, şabalıdyarpaq palıd, sərv ağacı, Eldar şamı və s.) mütəxəssislərlə birgə  Dənizkənarı Milli Parkda xüsusi ayrılmış sahədə əkiblər.Tədbir zamanı əkilən bütün bitkilər və tinglər AMEA-nın Mərkəzi Nəbatat bağının  hədiyyəsidir.

Qeyd edək ki, hər il 6 oktyabr Dünyada  Yaşayış Məskənlərinin Müdafiəsi Günü kimi qeyd edilir. Bu günlərdə  bəşəriyyətin diqqətini Yer  planetinin flora və faunasının qorunması  probleminə cəlb etmək məqsədi ilə müxtəlif ölkələrdə beynəlxalq bayram keçirilir. 

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər