Bakıda 500 min manatlıq dələduzluq - şübhəli qadın saxlanıldı

Bakıda 500 min manatlıq dələduzluq - şübhəli qadın saxlanıldı , Javid

Polis zərərçəkənlərin artacağını istisna etmir

Bakucity.az “Xəzər Xəbər”ə istinadən bildirir ki, Bakıda vətəndaşlara yarım milyon manata yaxın ziyan vuran qadın saxlanılıb.

Yasamal Rayon Polis İdarəsinin əməliyyatçıları Neftçala sakini Fəxrəndə Səfərovanı çoxsaylı şikayətlər əsasında saxlayıblar. Məlum olub ki, gənc qadın “İnstagram” sosial şəbəkəsində “İnşaatçılar” metrostansiyası yaxınlığında kosmetik əşyaların satıldığı mağazanı açdığı barədə məlumat yayaraq özünə şərik axtardığını bildirib.

Saxlanılan Fəxrəndə Səfərovanın sözlərinə görə, o, vətəndaşların köməyi ilə iki mağaza açıb və bir müddət də qazancı onlarla bölüşüb.

İşin istintaqını aparan müstəntiq Cavid Əhmədov bildirib ki, F. Səfərova təxminən 35 nəfərə 480 min manatdan çox ziyan vurub. Amma polis zərərçəkənlərin artacağını istisna etmir.

Faktla bağlı cinayət işi başlanıb, istintaq davam edir.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər