Dövlət Müstəqilliyi Gününə həsr olunmuş yaradıcılıq sərgisi keçirilib

Dövlət Müstəqilliyi Gününə həsr olunmuş yaradıcılıq sərgisi keçirilib

18 oktyabr – Dövlət Müstəqilliyi Günü 

Sərgiylə bağlı Bakucity.az-a Bakı Şəhər üzrə Təhsil İdarəsindən məlumat verilib. 

Paytaxt məktəbliləri və müəllimlərin əl işlərindən ibarət olan “Zirvələrə doğru” adlı sərgidə Nəsimi Rayon İcra Hakimiyyətinin, Bakı Şəhəri üzrə Təhsil İdarəsinin və Azərbaycan Rəssamlar İttifaqının nümayəndələri, Xətai Sənət Mərkəzinin direktoru, BŞTİ-nin tabeliyindəki 5 nömrəli Uşaq-Gənclər İnkişaf Mərkəzinin rəhbərliyi, müəllimlər və şagirdlər iştirak ediblər.

Tədbirdə çıxış edənlər o dövrün tarixi-siyasi şəraitinə nəzər salaraq, xalqımızın milli istiqlal uğrunda apardığı mübarizələrdən danışıb və XX yüzilliyin xalqımızın yaddaşında dövlətçilik, müstəqillik, ərazi bütövlüyü uğrunda mübarizə əsri kimi qaldığını bildiriblər.

Qeyd olunub ki, “Azərbaycanın dövlət müstəqilliyi haqqında” Konstitusiya Aktının qəbul edildiyi 1991-ci ilin 18 oktyabr günü xalqımızın tarixinə şərəfli və əlamətdar səhifə kimi yazılıb. 

Daha sonra sərgiyə baxış keçirilib, Rəssamlar İttifaqı tərəfindən müəllim və şagirdlərə diplom və sertifikatlar təqdim olunub. Sərgi 5 nömrəli Uşaq-Gənclər İnkişaf Mərkəzi şagirdlərinin musiqi və rəqs nömrələri ilə davam etdirilib.

Sərgidə 30 əl işi və 90 rəsm nümayiş olunub.

Bakucity.az

Dövlət Müstəqilliyi Gününə həsr olunmuş yaradıcılıq sərgisi keçirilib, fotoşəkil-1 Dövlət Müstəqilliyi Gününə həsr olunmuş yaradıcılıq sərgisi keçirilib, fotoşəkil-2
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər