Bakıda şagird sinif yoldaşları ilə halallaşıb yoxa çıxdı

Bakıda şagird sinif yoldaşları ilə halallaşıb yoxa çıxdı , Javid

Şagird 2 almasına görə anasının qəzəblənəcəyindən qorxub

Bakucity.az xəbər verir ki, Oktyabrın 17-sində oxuduğu məktəbdən yoxa çıxan 7-ci sinif şagirdi Azər M. tapılıb. Azərin yoxa çıxmasından sonra anası yerli telekanallardan birinə müraciət edib. Milli.az-ın məlumatına görə, ana göz yaşları içində övladının itkin xəbərini bu sözlərlə verib:

"Həmişə dərsdən çıxıb evə gəlirdi. Bu gün evə gəldim ki, yoxdu evdə. Zəng vurdum valideyinin birindən soruşdum. Dedi ki, Azər çantasında nə qədər kitabı varsa, hamısını sinifə töküb, çıxıb gedəndə "Uşaqlar, haqqınızı halal edin, mən gedirəm" deyib. Gündəliyi açdım, gördüm ki, iki dənə "2" alıb. Sinif yoldaşlarından biri dedi ki, Riyaziyyat müəllimi "2" verib ona. O da çox əsəbiləşib. "2"ni dərsə görə almayıb, nə isə yazırmış. Müəllim də elə cəzalandırıb onu. Sonra da sinifdən çölə çıxardılıb. Sonra deyib ki, "Anam mən öldürəcək. Müəllim zəng vuracaq evə, anam da məni döyəcək". 

Qeyd edək ki, artıq Azər tapılaraq ailəsinə təhvil verilib.

Bakucity.az

Şagird
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər