Bakıda Mikayıl Müşfiqin qalıqları aşkarlanıb

Bakıda Mikayıl Müşfiqin qalıqları aşkarlanıb, Javid

Bu iddia ilə məşhur Rusiya milyarderi Fərhad Əhmədov çıxış edib

Bakucity.az xəbər verir ki, Azərbaycan mətbuatına açıqlamasında milyarder deyib: "Stalin illərində cəzalandırılanların bir çoxunun qalıqlarının uyuduğu Qaradağ rayonunun Puta qəsəbəsində axtarış işləri aparılarkən mən böyük Azərbaycan şairi Mikayıl Müşfiqin qalıqlarını aşkar etdim". 

Fərhad Əhmədov 1970-ci illərdə güllələnmiş atası Teymur Əhmədovun qalıqlarlarının axtarışının aparılması üçün Azərbaycan hakimiyyətindən icazə almışdı. 

F.Əhmədova axtarış işlərinin aparılmasında “NKVD” və Bayıl türməsinin keçmiş "ölüm korpusunun" tibbi xidmətinin əməkdaşları kömək ediblər. Və axtarışlar zamanı hüquq-mühafizə orqanlarının məhkəmə hökmlərini və edam cəzalarını icra etmiş keçmiş əməkdaşları F.Əhmədova Azərbaycanın rəhbəri olmuş və 26 may 1956-cı il güllələnmiş Mircəfər Bağırovun, eləcə də 1937-ci ildə cəzalandırılmış şair Mikayıl Muşfiqin basdırıldıqları yerləri də göstərmişdilər.

F.Əhmədovun sözlərinə görə, Mikayıl Muşfiqin qalıqları Qaradağ rayonunda aşkar edilib və qalıqlar haqda Mədəniyyət Nazirliyinin rəhbərliyinə məlumat verilib. Məlumatı virtualaz.org saytı yayıb. 

Bakucity.az

Mikayıl Müşviq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər