VI Bakı Beynəlxalq Humanitar Forumunda 97 ölkə iştirak edəcək

VI Bakı Beynəlxalq Humanitar Forumunda 97 ölkə iştirak edəcək, Javid

Oktyabrın 25-26-da keçiriləcək forumla bağlı mətbuat konfransı təşkil olunub.

Bakucity.az xəbər verir ki, tədbirdə Mədəniyyət Nazirliyinin Aparat rəhbərinin müavini, Beynəlxalq əməkdaşlıq və innovativ inkişaf şöbəsinin müdiri Vasif Eyvazzadə və nazirliyin İnformasiya və ictimaiyyətlə əlaqələr şöbəsinin müdiri İntiqam Hümbətov iştirak ediblər.

İ.Hümbətov bildirib ki, bu gündən etibarən qonaqlar gəlməyə başlayacaq: "Bunlar arasında həm xarici media nümayəndələri, həm də nüfuzlu şəxslər olacaq. Bu məqsədlə konfransın keçirilməsini zəruri hesab etdik". Report-un verdiyi məlumatda deyilir. 

V.Eyvazzadə deyib ki, budəfəki forum xüsusi şüarı ilə fərqlənir: "Bu şüar "Yeni dünya və yeni insan formalaşdıraq: kreativlik və insan inkişafı" mövzusunu əhatə edir və mövzu ətrafında forumda müxtəlif plenar sessiyalar, eyni zamanda işçi sessiyalar təşkil olunacaq. Forumun əsas mövzusu Azərbaycan dövlətinin insan inkişafı və insan kapitalının inkişaf etdirilməsi siyasətinə dəstək kimi qəbul olunmalıdır. Ümumilikdə, mindən çox iştirakçı bu prosesdə iştirak edəcək. Mədəniyyət Nazirliyi, Prezident Administrasiyanın dəstəyi ilə digər qurumlarla birlikdə proqram tərtib olunub və tədbir keçirilir". 

Qeyd edək ki, Forumda 97 ölkədən 581 nəfər və 24 beynəlxalq təşkilat iştirak edəcək.

Bakucity.az

VI Bakı Beynəlxalq Humanitar Forumu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər