Bakı meriyası sərəncam imzaladı: xüsusi qərargah yaradıldı

Bakı meriyası sərəncam imzaladı: xüsusi qərargah yaradıldı, Javid

Eldar Əzizov müvafiq tapşırıq verib

Bakucity.az xəbər verir ki, 2018-2019-cu ilin payız-qız mövsümünə hazırlıqla bağlı Bakı Şəhər İcra Hakimiyyətində müvafiq sərəncam imzalanıb, tədbirlər planı təsdiq olunub və xüsusi Qərargah yaradılıb. Bunu  açıqlamasında Bakı Şəhər İcra Hakimiyyəti başçısı Aparatının Şəhər təsərrüfatı, sosial-iqtisadi inkişafın təhlili və proqnozlaşdırılması şöbəsinin müdiri Ayaz Hüseynov paytaxtda qışa hazırlıqla bağlı görülən işlərdən danışarkən bildirib. Modern.az-ın məlumatında bildirilir. 

A.Hüseynov açıqlamasında bildirib: "Rayonlara Şəhər İcra Hakimiyyətinin qış mövsümü ilə bağlı tövsiyələri paylanılıb. Şəhərdə çoxmənzilli yaşayış binalarının giriş qapıları, blokların və dam örtüklərinin təmiri, ümumi istifadə yerlərinin, blok pəncərələrinin şüşələnməsi, yaşayış binalarında, məktəbəqədər və orta təhsil müəssisələrində, səhiyyə ocaqlarında, sosial obyektlərdə istilik sistemlərinin saz vəziyyətə gətirilməsi məsələləri xüsusi diqqət mərkəzində saxlanılır.

Həmçinin "Azəriqaz” İB, "Azərişıq” ASC, "Azərsu” ASC, Bakı Sukanal İdarəsi, "Azərbaycan Avtomobol Yolları Dövlət Agentliyi”, Bakı Nəqliyyat Agentliyi tərəfindən payız-qış mövsmü ilə bağlı tədbirlər planlarını hazırlanaraq Qərargaha təqdim edilib. Bu təşkilatların mövsümi tədbirlərlə bağlı görəcəkləri işlər Qərargah tərəfindən koordinasiya olunacaq”.

Şöbə müdirinin sözlərinə görə, qış aylarında havaların kəskin soyuq, qarlı-şaxtalı günlərində Qərargah, bütün rayonların təsərrüfat xidmətləri xüsusi rejimdə çalışacaq.

Bakucity.az

Meriya Eldar Əzizov
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər