Bakıda internet klub sərfəli biznesdirmi? - ARAŞDIRMA

Bakıda internet klub sərfəli biznesdirmi? -  ARAŞDIRMA, Javid

Hətta indi də bu biznesdən qazanc götürmək mümkündür

Bir vaxtlar Bakıda iki addımdan bir internet kluba rast gəlmək olurdu. Müştərilər də kifayət qədər idi. İnternet yayğınlaşandan, hər kəsin evdə və smartfonda internetə çıxışı asanlaşadan sonra bu biznes yavaş-yavaş qeybə çəkildi. İndi şəhərdə çox nadir hallarda internet klub görmək mümkündür. Bu biznes həqiqətən də öz dövranını başa vurub? Bakucity.az mövzu ilə bağlı araşdırma aparıb. 

"Bu, gəlirli biznes deyil, amma ağılla yanaşılsa, qazanmaq mümkündür"

Bu sözləri Bakucity.az-a açıqlamasında “Favorit İnternet Kafe"nin sahibi deyib. Onun sözlərinə görə, internet klubun inkişafına müsbət təsir göstərə biləcək bir neçə amil var: “Obyektin yerləşmə məkanı və onu idarə edən şəxsin kimliyi çox vacibdir. Həmişə insan kütləsi olan yer ideal məkan olardı, məsələn, hansısa universitetin yaxınlığı. Əgər siz bu bizneslə məşğul olmağı qərara almısınızsa, onda böyük müştəri bazasına malik olmaq və  onu saxlaya bilmək barədə düşünməlisiniz. Bir neçə il sərasər bu işlə məşğul olsanız, uğur qazana bilərsiniz". 

Bakıda internet klub sərfəli biznesdirmi? -  ARAŞDIRMA, fotoşəkil-1

Bunu da oxu: Bakının fitnes klublarında xidmət və qiymətlər - ARAŞDIRMA

 Kafe sahibinin dediyinə görə, kim bu işlə ciddi məşğul olursa, bazarda qalmaq imkanı çoxdur: “Kompüterlər daim saz vəziyyətdə olmalı, tələbat olan yeni oyunlar vaxtında yüklənilməlidir”.

Müsahibimizin sözlərinə görə, belə müəssisənin  hansısa konkret konsepsiyası da olmalıdır: "Yeni müştərilərin cəlb olunması və cəlbedici qalmaq üçün obyekti mütəmadi təmir etmək, interyeri təzələmək, yeni tendensiyaları izləmək lazımdır. Biz növbəti təmirdən sonra divarları qraffitilərlə bəzəmək qərarına gəldik, bu kreativ və dəbəuyğun görünür. Əlbəttə, xidmət haqqında da unutmaq olmaz, servis də yüksək səviyyədə olmalıdır. Belə şəraitdə istənilən internet-klub özünü bazarda saxlaya bilər".

Qazanc götürmək mümkündürmü?

İndi paytaxtda internet klubların sayı çox deyil, amma uzun illərdir ki, mövcud olanlar  müştərilərin yeni tələblərinə cavab verməklə, hər vəchlə bazarda qalmağa çalışırlar. Müxtəlif internet-klubların əməkdaşları ilə söhbət etdikdən sonra, bu qənaətə gəldik ki, bir saatın qiyməti orta hesabla  40 qəpiklə 1 manat arasında dəyişir. Üstəlik bəzi klublar “kserekopiya” və çap xidmətləri  də təqdim edirlər. Xüsusilə, məktəblilərin və tələbələrin sıx olduğu yerlərdə.

Bəs qonşu ölkələrdə vəziyyət necədir? 

Qonşu Rusiya haqqında danışsaq, o zaman orada vəziyyətin təxminən bizdəki kimi olduğunu görərik. Rusiyada internet kafe və klublar az da olsa fəaliyyət göstərir, bu obyektlər əsasən müxtəlif oyun həvəskarları arasında populyardır. 

Bakıda internet klub sərfəli biznesdirmi? -  ARAŞDIRMA, fotoşəkil-2

Avropada da internet klublar indiyədək fəaliyyət göstərir. Bu müəssisələrdə xidmətlərin dəyəri  orta hesabla 0,60 sentdən 1 avroya qədər dəyişir. Ümumilikdə, Avropa ölkələrində istənilən kafe və ya restorana noutbuk ilə daxil olub internetdən sərbəst istifadə edə bilərsiniz.

İnsanları oyun oynamaq daha çox cəlb edir

Bu gün çox az adam klublara internetdən istifadə etmək üçün gəlir. Onlayn-oyunlar insanları daha çox maraqlandırır. Çox güman nə qədər ki, belə oyunlar  insanları maraqlandıracaq, internet klublar da fəaliyyətini davam etdirəcəklər.

Sonda Bakıda fəaliyyət göstərən məşhur intertnet klublarının siyahısını təqdim edirik:

İnternet-klub

Ünvan

1.

“Faforit İnternet Kafe” (24 saat)

İstiqlaliyyət, 61

2.

“Cuber Arena”

Malakan bağı, Ü. Hacıbəyli, 6

3.

Internet Club (24 saat)

Cavadxan küç., 5

4.

“Zaza Internet-Club”

İ. İsmayılov küç., 4

5.

“TurkuAz”

Azərbaycan prospekti 1

6.

“204 Internet Club”

D.Qurbabov küç. 3

Züleyxa İsmayılova

Bakucity.az

Internet klub Bakı biznes
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər