Gələn il Azərbaycanda böyük vergi islahatları olacaq - AÇIQLAMA

Gələn il Azərbaycanda böyük vergi islahatları olacaq - AÇIQLAMA

Maliyyə naziri: "Növbəti ildə böyük vergi islahatı aparılacaq"

Bakucity.az xəbər verir ki, maliyyə naziri Samir Şərifov gələn il böyük vergi islahatlarının başlayacağını bildirib. 

"Növbəti ildə faktiki olaraq böyük vergi islahatına gedirik. Bu, dövlət tərəfindən atılan kifayət qədər cəsarətli addımdır. Müəyyən vaxt ərzində dövlət büdcəsinin gəlirinin bir hissəsindən faktiki olaraq imtina edirik". Report-un məlumatına görə, nazir açıqlamasında bildirib. 

"Ona görə ki, biz istəyirik iqtisadiyyatda şəffaflaşma baş versin, kölgə iqtisadiyyatı tədricən azaldılsın və bunun üçün sahibkarlar üçün stimul yaradırıq. Sahibkarları həvəsləndiririk ki, onlar da bu addımı dəstəkləsinlər. Sosial sığorta haqlarının işçi və işəgötürən arasında bölgü məsələsinə toxunmuşuq. Bunlardan sonra belə ARDNF-dən transfert əhəmiyyətli dərəcədə artmır",- nazir deyib.

O qeyd edib ki, əvvəllər Dövlət Neft Fondunun xətti ilə bir sıra layihələr maliyələşdirilirdi: "İndi bu layihələr dövlət büdcəsi ilə maliyyələşdiriləcək". 

Bakucity.az

Maliyyə naziri Samir Şərifov
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər