Bakıda yaşlı qadını öldürüb, evini yandırdılar - VİDEO

Bakıda yaşlı qadını öldürüb, evini yandırdılar - VİDEO

Qadını öldürüb, qızılların götürüb çıxıblar

Dünən səhər saatlarında Bakıda ağır cinayət olub. Tamah məqsədilə evə girən şəxs və ya şəxslər yaşlı qadını əvvəlcə öldürüb, sonra qızılların götürüb çıxıblar.

Bakucity.az “Xəzər” TV-yə istinadən xəbər verir ki, onlar izi itirmək məqsədilə evi yandırıblar.

Hadisə səhər saatlarında paytaxtın Nəsimi rayonu, Əlibəy Hüseynzadə küçəsi 83 ünvanında baş verib.Yaqub Axundovun evinin yandığını görən qonşular dərhal yanğınsöndürənlərə məlumat veriblər.

Hadisə yerinə rayon yanğından mühafizə xidmətinin iki yanğınsöndürən avtomobili və bir neçə canlı qüvvəsi cəlb gəlib. Yanğının kəşfiyyatı zamanı ev sahibinin həyat yoldaşı 78 yaşlı Tamella Axundovanın meyiti yanğınsöndürənlər tərəfindən aşkar edilib.

Hadisə yerinə gələn polis və prokurorluq orqanlarının əməkdaşları qadının qəsdən öldürüldüyünü müəyyən ediblər.

Faktla bağlı Nəsimi rayon Prokurorluğunda cinayət işi başlanıb. Polis cinayəti törədən şəxs və ya şəxslərin axtarışını aparır.

Bakucity.az

Yanğın Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər