Bakıda gənclər təşkilatlarının V Respublika sərgisi keçiriləcək

Bakıda gənclər təşkilatlarının V Respublika sərgisi keçiriləcək

100-dən çox gənclər təşkilatlarının V Respublika sərgisi keçiriləcək

Nazirlikdən Bakucity.az-a verilən məlumata görə, Gənclər və İdman Nazirliyinin təşkilatçılığı ilə sabah Bakıda keçiriləcək sərgidə təşkilatlar üçün özlərini təqdim etmək, nailiyyət və imkanlarını nümayiş etdirmək, təcrübə mübadiləsi aparmaq və ictimai əlaqələri genişləndirmək üçün gözəl imkan yaranacaq.

Ziyarətçilər müasir gənclərin həyatında yer alan yeni layihə və istiqamətlər haqqında məlumat toplaya biləcəklər.

Sərgi çərçivəsində müxtəlif mövzular üzrə gənclər üçün təlimlər və maarifləndirici tədbirlərin keçirilməsi də nəzərdə tutulub. Gənclər təşkilatları ilə yanaşı, gənclər evlərinin də sərgidə iştirakı nəzərdə tutulub.

Gənclər və idman naziri Azad Rəhimov, PA rəsmiləri, Milli Məclisin komitə sədrləri, deputatlar, nazirlər və digər rəsmilər də sərgidə iştirak edəcəklər.

Sərgi Azərbaycan Prezidenti İlham Əliyevin 15 sentyabr 2017-ci il tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının 5.7.4-cü yarımbəndinin (Gənclər təşkilatlarının fəaliyyətinin təşviq edilməsi, onların həyata keçirdikləri layihə və tədbirlər haqqında cəmiyyətin məlumatlandırılması və gənclərin ictimai fəaliyyətə cəlb olunmalarının stimullaşdırılması məqsədi ilə sərgilərin təşkil edilməsi) icrası məqsədilə təşkil edilir.

Bakucity.az

Gənclər təşkilatlarının V Respublika sərgisi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər