Bakının tatu salonlarında xidmətlər və qiymətlər necədir? - ARAŞDIRMA

Bədəninizə tatu döydürmək istəyirsiniz? Bakıdakı xidmətlər və qiymətləri təqdim edirik

Müasir dövrdə döymə, başqa adıyla tatu ayrıca sənət növünə çevrilərək, getdikcə daha çox insanı, xüsusilə gəncləri cəlb edir. Bakıda da son illərdə tatuya həvəs salanların sayı çoxalıb və paytaxtımızda artıq tatu xidmətləri təklif edən salonlar fəaliyyət göstərir. Bəs bu məkanlarda xidmətlər və qiymətlər necədir? Bakucity.az olaraq oxucularımıza mövzu ilə bağlı apardığımız araşdırmanı təqdim edirik. 

Qızlar tatu üçün getdikcə daha çox müraciət edirlər

"Qızlar da bizə daha tez-tez müraciət etməyə başlayıblar. Sevindirici haldır ki, müştərilər bədii döymə istəyirlər və mən rəssam kimi böyük məmnuniyyətlə belə sifarişlər üzərində işləyirəm", - “Tatoo and Barber Shop” salonunda tatu rəssamı və usta kimi çalışan Şirin Zeynallı bizə açıqlamasında bildirir. 

Tatu ustasının sözlərinə görə, insanlar rəsmi bir neçə seçim əsasında edirlər: bəziləri estetika naminə bədənə rəsm döydürür, digərləri rəsmdə bir məna göstərmək istəyir, amma elə adamlar da var ki,  çapıqlarını gizlətmək istəyirlər.

Tatu üzrə rəssam Vladimir Dyaçenko deyir ki, “Tatoo House Baku” salonuna çoxlu ziyarətçi gəlir. İndi ağ-qara rəsmlər, realizm üslubunda döymələr çox dəbdədir. Çox vaxt başqa döymənin surətini də istəyən olur, amma ustanın fikrincə, bu düzgün deyil. Çünki bu, bir sənətdir, təkrarçılıq olmamalıdır. Getdikcə, rəngli tatulara tələbat artır. Çin və ya yapon heroqlifli tatular isə arxa plana keçir.

İş prosesi nədən ibarətdir?

“Body Art”ın yaradılması prosesi kifayət qədər mürəkkəbdir, bu sənət yaradıcı yanaşma tələb edir. Yerli tatu salonlarının ustaları bizə açıqlamasında bildiriblər ki, proses zamanı əvvəlcə bədənə döyüləcək rəsmin eskizi yaradılır. Şirin Zeynallı vurğulayır ki, şəkil üzərində işləyərkən, əvvəlcədən hər bir detalı müştəri ilə müzakirə etmək lazımdır. Sonra bədəndəki münasib sahə üçün zəruri ölçü seçilir, transfer konturları bədənə yapışdırılır, sonra səliqəylə qopardılır, yalnız bundan sonra iş başlayır. Amma olur ki, müştərilər hazır şəkillə gəlirlər – onda birbaşa işə keçilir. Əgər adamın seçimində şübhələri varsa, rəssam daha maraqlı variantlar təklif edə bilər.

Ustalar deyir ki, bu heç də həmişə çox vaxt aparmır.  Amma, qol və ya kürəyə böyük şəkil döyülürsə, proses 7-10 saat uzana bilər.

Tatu qiymətləri neçəyədir?

Bakıdakı tatu salonlarında qiymətlər demək olar ki, eynidir. Məsələn, “Tatoo House Baku”  və “ELBI Tatoo Saloon”da qiymətlər 30 manatdan başlayır. Əlbəttə, hər şey rəsmin  mürəkkəbliyindən və ölçülərindən asılıdır. Usta Vladimir Dyaçenko deyir ki, bütün qola döyülən rəsm 400 manatdır və detallara görə qiymət bahalaşa bilər. Bu cür işlər Rusiyada 1800, Böyük Britaniyada 2400, Almaniyada isə 1700 manata başa gələ bilər.

Ümumiyyətlə, bütün ustalar etiraf edirlər ki, döyüləcək bu və ya digər rəsmin dəyərini dərhal demək çətindir. Son nəticədə, hər şey işin mürəkkəblik dərəcəsindən, xırda detalların sayından və sərf olunan vaxtdan asılıdır.

Tatu döydürərkən ilk öncə nəyə diqqət yetirilməlidir? 

Sterillik – bu çox mühüm məsələdir. Tatu üzrə bütün peşəkar mütəxəssislər əvvəlcədən sterillik xəbərdarlığı edirlər. Tatu ustası Şirin Zeynallı xəbərdarlıq edir ki, prosedurdan əvvəl hazırlıq müştərinin gözlərinin qarşısında baş verməlidir. Bütün alətlər plyonka ilə örtülü olmalıdır, rəssam isə əlcəklə işləməlidir. İynələr həmişə steril paketlərdə saxlanılmalıdır. Artıq rəngin təmizlənməsi zamanı bədənin qaşınmasının qarşısını almaq üçün vazelindən istifadə etmək məqbul sayılır.

Həkimlər nəyi məsləhət görür?

Əlbəttə, tatu dəbdədir və gözəldir, amma hamı dərisinə qorxmadan tatu döydürə bilərmi, yoxsa hansısa məhdudiyyətlər var? Biz bu sualla Mərkəzi Neftçilər Xəstəxanasının həkim-terapevti Failə Axundovaya müraciət etdik. Onun sözlərinə görə, əlbəttə, müraciət edilən salonda prosedur steril, birdəfəlik alətlərlə edilməlidir. Əgər sizdə diabetik xəstəliklər varsa, risk etməmək daha yaxşıdır. "Bir də təbii ki, qadın hamilədirsə bədənə müdaxilə haqqında söhbət belə gedə bilməz", - deyə Failə xanım xəbərdarlıq edir.

Həmin xəstəxananın həkim – allerqoloqu İradə Əsgərova isə bildirir ki, tatu salaonuna getməzdən əvvəl E immunoqloblini  (Ümumi LgEe) yoxlamaq üçün analizdən keçmək lazımdır: "Boyalar dərinin altına yeridilir, ona görə də, bu prosedurdan əvvəl allergik reaksiyaların səviyyəsini yoxlamaq vacibdir. Əgər analiz göstərsə ki, insan allergik reaksiyalara həssas və meyillidir, onda ehtiyatlı olmaq lazımdır", - deyə mütəxəssis qeyd edir.

Xaricdə tatu sənətində nələr dəbdədir?

Xaricdə hələ də yazı şəklindəki döymələr dəbdədir. Bəziləri bütün yazılanların aydın oxunmasına, digərləri isə hansısa ekzotik və ya ölü dili seçiminə üstünlük verirlər. Şeirlərdən və ya mahnılardan misralar, adlar da döydürənlər var. 

Qızlar üçün həm ağ-qara, həm də rəngli kəpənəklər daha aktualdır. Zərif cinsin nümayəndələri müxtəlif kiçik quşları və ləçəkləri, əsasən, topuqlarına, biləklərinə və ya çiyinlərinə döydürməyi sevirlər.

Əlbəttə, 3D effektli döymələr də populyarlıq qazanmaqdadır. Amma, qeyd etmək vacibdir ki, bu cür rəsmlər böyük ölçüdə olmalıdır, yoxsa lazımı nəticəni əldə etmək mümkün olmur.

Yekun olaraq, qeyd edək ki, tatu salonunu seçəndə elə oradaca rəssamların necə  işlədiyinə diqqət yetirin. Rəsmin tərtibatına yaradıcı yanaşmanı və sterilliyin qorunmasına diqqət yetirin. Öz sağlamlığınızın qayğısına qalmalısınız. Əvvəlcədən bütün analizləri vermək daha məqbuldur, belə olan zaman sonradan hansısa fəsadın ortaya çıxmayacağından rahat ola bilərsiniz. 

Sonda oxucularımıza Bakıdakı tatu salonlarını və ünvanlarını təqdim edirik:

TATU SALON

ÜNVAN

1.

“Carage Barber Shop and Tatoo”

Xaqani küç.,103

2.

“Tatoo House Baku”

Q.Qarayev prospekti, 16

3.

“EL.BI. TatooSaloon”

Vidadi küç., 185

4.

“BoyCutBaku”

Nizami küç., 147 B

5.

“Tatoo.Az”

T. Əliyarbəyov küç., 196

6.

“TatoownTatooStudio”

Azadlıq prospekti,169

Hazırladı: Züleyxa İsmayılova

Bakucity.az

Tatu Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Azərbaycanda koronavirusa yoluxanların sayında kəskin artım var. Azərbaycan Respublikasında 257 yeni koronavirus infeksiyasına yoluxma faktı qeydə alınmış, 202 nəfər müalicə olunaraq sağalmış və evə buraxılmışdır. BakuCity.az xəbər verir ki, bu barədə Azərbaycan Respublikası Nazirlər Kabineti yanında Operativ Qərargah məlumat yayıb. COVID-19 üçün götürülən analiz nümunələri müsbət çıxmış 1948, 1953 və 1957-ci il təvəllüdlü üç nəfər vəfat edib. Hazırkı dövr...
Ekologiya
31 mayda gözlənilən hava şəraiti. Mayın 31-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə bəzi yerlərdə qısamüddətli az yağış yağacağı gözlənilir. Səhər duman olacaq, güclü şimal-qərb küləyi əsəcək. Milli Hidrometeorologiya Xidmətindən BakuCity.az-a verilən məlumata görə, havanın temperaturu  Abşeron yarımadasında gecə 17-19, gündüz  20-24, Bakıda  gecə 17-19, gündüz 22-24 dərəcə isti olacaq. Atmo...
Cəmiyyət
Azərbaycanda turizm mövsümünün yenidən açılacağı vaxt bilinib. “Biz ölkəyə kütləvi turist axını gözləmirik. İnsanların kənd turizmi və digər bu kimi seçimlər etməsini gözləyirik”. BakuCity.az xəbər verir ki, bunu Dövlət Turizm Agentliyinin (DTA) mətbuat katibi Kənan Quluzadə bildirib. K.Quluzadənin sözlərinə görə, ölkədə elan edilən xüsusi karantin rejimi bitdiyi günün sabahı Azərbaycanda yeni turizm mövsümü açıq elan ediləcək: “Amma dövlət insanlara xidmə...
Hadisələr
Taxta bazarında yanğın baş verib. Bakı şəhərinin Nərimanov rayonunda, taxta bazarının ərazisində ümumi sahəsi 280 m² olan dəmir konstruksiyalardan ibarət talvarın altına yığılan taxta materiallar 75 m² sahədə və ümumi sahəsi 5 m² olan taxtadan ibarət gözətçi köşkü yanıb. Fövqəladə Hallar Nazirliyinin (FHN) mətbuat midmətindən BakuCity.az-a verilən məlumata görə, taxta materialların qalan hissəsi yanğından mühafizə olunub. Yanğın yanğından mühafizə bölmələr...
Kriminal
Bakıda növbəti bıçaqlanma hadisəsi baş verib. BakuCity.az xəbər verir ki, hadisə ötən gecə Xocahəsən yolunda qeydə alınıb. 1973-cü il təvəllüdlü Şahverdiyev Eldəniz Əli oğlunun dostu ilə mübahisəsi onun bıçaq zərbəsi alması ilə nəticələnib. Yaralı təcili tibbi yardım briqadasının köməkliyi ilə xəstəxanaya çatdırılıb. Ona kürək nahiyəsinin kəsilmiş-deşilmiş yarası diaqnozu qoyulub. Faktla bağlı araşdırma aparılır. (report) BakuCity.az
Cəmiyyət
Şadlıq saraylarının fəaliyyətə başlaması mümkündürmü? “Sərbəstlik və yumşalma artıqca yoluxanların sayı artır və bu fonda toyların və şadlıq saraylarının fəaliyyətə başlaması problemli görünür”. BakuCity.az xəbər verir ki, bunu Nazirlər Kabinetinin Mətbuat Xidmətinin rəhbəri İbrahim Məmmədov Nazirlər Kabineti yanında Operativ Qərargahın dünən keçirilən brifinqində deyib. “Hər şey yoluxmanın sayından və sosial məsuliyyətdən asılıdır. Bəlkə də yoluxmalar ar...
Cəmiyyət
Bakıda çəkilən bu görüntülər müzakirələrə səbəb olub. Koronavirus pandemiyası ilə əlaqədar insanlar sosial məsafəni qorumalı olsalar da, əksəriyyət buna əməl etmir. BakuCity.az xəbər verir ki, bunu təsdiq edən görüntülərdən biri “Tarqovı”da lentə alınıb. Paytaxtın mərkəzi küçəsində insanların kütləvi şəkildə bir yerə yığılması sosial şəbəkələrdə müzakirələrə səbəb olub.  İnsanlar arasında sosial məsafəyə nəzarət etməli olan polis əməkdaşlarının gözə dəyməm...
Cəmiyyət
Bakıdan rayonlara gediş-gəliş bərpa olunmayıb. “Yumşalma artıqda, yoluxma artır. Ona görə də Operativ Qərargah rayonlara gediş-gəlişin bərpasını bu mərhələdə saxlamağı qərara alıb". BakuCity.az xəbər verir ki, bunu dünən Nazirlər Kabineti yanında Operativ Qərargahın təşkil etdiyi brifinqdə Nazirlər Kabineti mətbuat xidmətinin rəhbəri İbrahim Məmmədov bildirib. BakuCity.az
Ekologiya
Ekologiya və Təbii Sərvətlər Nazirliyi xəbərdarlıq yayıb. Milli Hidrometeorologiya Xidmətindən BakuCity.az-a verilən məlumata görə, mayın 30-u gündüzdən 31-i axşamadək Bakıda və Abşeron yarımadasında şimal-qərb küləyi 15-20 m/s, arabir 23-25 m/s, mayın 30-da yarımadanın bəzi yerlərində arabir 28-33 m/s-dək güclənəcək. BakuCity.az