Abşeronda qətl törədən ata və oğula cəza istənildi

Abşeronda qətl törədən ata və oğula cəza istənildi

18-19 il həbs cəzası istənilir

Bu gün Bakı Ağır Cinayətlər Məhkəməsində qətl törətməkdə təqsirləndirilən Tural Əlizadə, onun atası Zakir Əlizadə və xuliqanlıqda ittiham olunan Babək Quliyevin cinayət işi üzrə məhkəmə prosesi davam etdirilib. 

Hakim Şəkər Məmmədovanın sədrliyi ilə keçirilən prosesdə prokuror çıxış edib.

O, çıxışında T.Əlizadənin 18 il, Z.Əlizadənin 19 il, B.Quliyevin isə 3 il müddətinə azadlıqdan məhrum edilməsini istəyib. 

Məhkəmə iclası noyabrın 27-də davam etdiriləcək. 

Qeyd edək ki, hadisə Abşeron rayonunun Qobu qəsəbəsində baş verib. 1975-ci il təvəllüdlü Abbasov Rövşən Rafiq oğlunu “Vinçester” markalı silahla qətlə yetirən 25 yaşlı Tural Zakir oğlu Əlizadə həbs edilib. T.Əlizadə istintaqa ifadəsində bildirib ki, R.Abbasovla əvvəlcədən ədavəti olub.

Onlar “söhbət etmək” üçün kafedə görüşüb. Kafedən çıxdıqdan sonra sözləri yenidən çəp gəlib. Bu zaman T.Əlizadə “Vinçester” markalı silahdan əvvəlcə havaya atəş açıb. Daha sonra o, R.Abbasovun ayağını güllə ilə yaralayıb. T.Əlizadə üçüncü gülləni R.Abbasovun ürək nahiyəsinə vurub.Oxu.Az xəbər verir.

Qətlin iştirakçısı kimi T.Əlizadə, atası Z.Əlizadə və B.Quliyev də həbs edilib. B.Quliyev barəsində ev dustaqlığı qətimkan tədbiri seçilib.

Bakucity.az

Kriminal
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər