Bakı ümumi təhsil müəssisələri arasında memorandum imzalanıb

Bakı ümumi təhsil müəssisələri arasında memorandum imzalanıb

Məqsəd təhsildə inkişafın sürətləndirilməsidir

Bakucity.az xəbər verir ki, paytaxtda fəaliyyət göstərən 45, 57, 82, 177, 202, 283, 297 nömrəli tam orta məktəblər, 246 nömrəli məktəb-lisey, 291 nömrəli Ekologiya liseyi ilə 36 nömrəli məktəbdə yaradılan Distant Təhsil və İnkişaf Mərkəzi arasında elm və texnologiya sahəsində əməkdaşlıq memorandumu imzalanıb.

Bu barədə Bakucity.az-a Bakı Şəhər üzrə Təhsil İdarəsindən məlumat verilib. 

Qeyd olunan təhsil müəssisələri rəqəmsal laboratoriyanın birgə istifadəsi, müasir təlim metodlarının mübadiləsi, müəllimlərin təkmilləşdirilməsi və kadr potensialının yüksəldilməsi, şagirdlərin şəxsiyyətyönümlü inkişafı istiqamətlərində əməkdaşlıq edəcəklər.

Distant Təhsil və İnkişaf Mərkəzi Təhsildə inkişaf və innovasiyalar üzrən 2-ci qrant müsabiqəsində qalib gəlmiş “Tədrisdə xüsusi distant texnologiyaların istifadə sistemlərinin inkişafı və iş prosesində müasir təlim texnologiyalarının tətbiqi formaları” layihəsi çərçivəsində yaradılıb.

Layihə çərçivəsində 300 müəllim üçün müasir dərslərin hazırlanması və qiymətləndirilməsi, Prometan interaktiv texnologiyalardan tədris prosesində istifadə istiqamətində təlimlər təşkil edilib.

Bakucity.az

Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər