Bakıda uşaqlara “Sofiya” robotunun necə işləməsi öyrədiləcək

Bakıda uşaqlara “Sofiya” robotunun necə işləməsi öyrədiləcək, Javid

Seminar hamı üçün açıq və ödənişsizdir

 İKT LAB və Azərbaycan Robotexnika Mühəndisliyi Akademiyasının (AREA- Azerbaijan Robotics Engineering Academy) birgə təşkilatçılığı ilə uşaqlar və gənclər üçün “Robot və dronlar yürüşü” adlı çox əyləncəli və maraqlı seminar keçiriləcək. 

Bu barədə Bakucity.az-a Nəqliyyat, Rabitə və yüksək Texnologiyalar Nazirliyinin mətbuat xidmətindən məlumat verilib.

Seminarda son zamanlar müzakirələrə səbəb olan “Sofiya” robotunun necə işləməsi ilə bağlı məlumat veriləcək.

Seminar hamı üçün açıq və ödənişsizdir.

Nazirliyin məlumatında qeyd edilir ki, yaşından asılı olmayaraq hər bir şəxs seminarda iştirak edərək robotlar və dronlarla tanış olub, onları idarə edə biləcək: “Bu seminarda çox maraqlı vaxt keçirdib, yeni dostlar qazanıb və dronların gətirdiyi dadlı şirniyyatlardan dadacaqsınız. Valideynlər öz övladlarını, məktəblilər öz sinif yoldaşlarını, gənclər isə dostlarını götürüb İKT LAB-da keçiriləcək bu seminara gələ bilərlər”.

Bakucity.az

Robot Sofiya
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər