Tanınmış modelyer Bakıda məhkəmə zalında hüşunu itirdi

Tanınmış modelyer Bakıda məhkəmə zalında hüşunu itirdi, Javid

Leyla Əhmədova göz yaşlarını saxlaya bilməyib

Bakucity.az xəbər verir ki, bu gün Bakı Ağır Cinayətlər Məhkəməsində sahibkar, modelyer Leyla Əhmədovanın icarə əsasında işlətdiyi obyektdən oğurluq etməkdə təqsirləndirilən Ceyhun Eyvazov, Nizami Ağayev və Azər Lütfəliyevin məhkəmə iclası başlayıb.

Keçirilən prosesdə yalnız C.Eyvazovun barəsində həbs qətimkan tədbiri seçildiyi məlum olub. Digər iki şəxs isə ev dustaqlığındadır.

Prosesdə zərərçəkmiş L.Əhmədovanın vəkili vəsatət qaldırıb. O, N.Ağayevlə A.Lütfəliyev barəsində də həbs qətimkan tədbirinin seçilməsinin və onların məhkəmə zalında həbs edilməsini istəyib.

N.Ağayevin vəkili isə vəsatət qaldıraraq cinayət işinə xitam verilməsini tələb edib.

Vəsatətlərə münasibət bildirən L.Əhmədova göz yaşlarını saxlaya bilməyib və N.Ağayevin C.Eyvanovu onun üstünə göndərdiyini deyib: "Nəyə görə mənim 4 uşağım çöldə qalmalıdır?".

L.Əhmədova çıxış edən zaman onun ürəyi gedib. Məhkəmə zalında icra məmuru ona yardım edib, ayıldıb.

Məhkəmə vəsatətləri təmin etməyib.

Qeyd edək ki, L.Əhmədova 2014-cü ildə Bakının Cəfər Cabbarlı küçəsi 29 ünvanında yerləşən obyekti Ağayev Nizami  və Lütfəliyev Azərdən aylıq 24 min manata icarəyə götürüb. Daha sonra həmin şəxslər arasında mübahisə düşüb və obyekt sahibləri L.Əhmədovanı oradan çıxarmağa çalışıb.

L.Əhmədovanın sözlərinə görə, obyektə basqın zamanı ona 200 min manat ziyan vurulub: “Burada olan paltarlarım, bahalı parçalarım, aksessuarlarım və seyfdə olan böyük məbləğdə vəsait oğurlanıb”.

Araşdırma zamanı 3 nəfər - Ceyhun Eyvazov, Nizami Ağayev və Azər Lütfəliyev saxlanılıb.

Həmin şəxslər barəsində oğurluq, külli miqdarda zərər maddəsi ilə ittiham irəli sürülüb.

Bakucity.az

Leyla Əhmədova modelyer cinayət işi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər