Bakıda uşaq əyləncə mərkəzlərində xidmət və qiymətlər sərf edirmi? - ARAŞDIRMA

Bakıda uşaq əyləncə mərkəzlərində xidmət və qiymətlər sərf edirmi? - ARAŞDIRMA, Javid

Yeni ildə uşaqlar harada daha yaxşı vaxt keçirə bilər?

Uşaqlar əylənmək üçün cizgi filmləri və təbiətdə oynamaq kifayət etmir. Bu zaman müasir oyun avadanlıqları ilə təchiz olunmuş uşaq əyləncə məkanları valideynlərin köməyinə çatır. Bakı şəhərində isə kifayət qədər belə mərkəzlər fəaliyyət göstərir. Bakucity.az paytaxtda fəaliyyət göstərən əyləncə mərkəzlərinin xidmət və qiymətləri barədə araşdırma aparıb. Materialı təqdim edirik. 

Uşaq əyləncə mərkəzləri

“Megafun” əyləncə mərkəzinin meneceri Uğur Mahmudov Bakucity.az-a açıqlamasında mərkəzdəki qiymətlərə aydınlıq gətirib:

“Attraksion və oyunlardan istifadə kart vasitəsilə tənzimlənir. Yeni kartın balansında isə ən az 5 AZN olmalıdır. “Qorxu Tuneli”ndə əylənmək istəyən 1 uşağa hər 30 dəqiqə üçün 4, “Dino Park”dakı 7 müxtəlif dinozavr attraksionunun hər birindən istifadə etmək üçün isə 1 manat lazımdır. Filmə baxmaq üçün “Cine Zal”ımız da var. “Magic Jungle – labirint”ə daxil olan uşaqların balansından 3 AZN çıxılır. Burada müxtəlif nağıl qəhrəmanları, personajlar və müğənnilərin iştirakı ilə 10-60 nəfərlik şənliklər keçirə bilərsiniz. Karaokenin dəqiqəlik istifadəsi isə 10 AZN-dir. Bundan başqa, buz meydançasının 10 dəqiqəsi – 5 AZN, 30 dəqiqəsi – 10 AZN, 1 saatı – 15 AZN, limitsiz 1 günü – 20 AZN-dir. Noyabrın 1 – dən başlayan “Happy Hours” kompaniyası ayın sonuna kimi aktivdir. Kompaniya çərçivəsində cədvəldə qeyd olunan attraksionların endirilmiş qiymətləri təqdim olunacaqdır”.

Bakıda uşaq əyləncə mərkəzlərində xidmət və qiymətlər sərf edirmi? - ARAŞDIRMA, fotoşəkil-1

“Gym & Fun” uşaq əyləncə mərkəzinin meneceri Günel Cəfərova  bildirib ki, uşaqlar üçün yeni il proqramlarına hazırlıq gedir.

“Burada 3 yaşından 14 yaşınadək olan uşaqlar 1 saatı 3 manata “Qonka”, “Şariklər”, “Labirint” və s. kimi əyləncə otaqlarında vaxtlarını səmərəli keçirə bilərlər. Ad günü və müxtəlif banketlər keçirmək üçün 50 nəfərlik otaqlarımız da var və həmin günlərdə 1 nəfərlik uşaq menyusunun qiyməti  7.40 AZN, 1 saatı 5 AZN olan oyun zallarının qiyməti isə 50% endirimlə 2.50 AZN edir. “Yeni il” şənliklərində müxtəlif oyunlar, Şaxta Baba və Qar qız daxil olmaqla qiymətlər olduğu kimi qalacaq”, - deyə Günel xanım sözünü tamamlayıb. 

“Bumblebee Kids Club” uşaq əyləncə və inkişaf mərkəzi 6 aydan 12 yaşadək uşaqlar üçün nəzərdə tutulub.

Mərkəzin meneceri Rövşən Abbasov uşaq əyləncəsinə xidmətlərə aydınlıq gətirib: “Burada uşaqların yaş qrupuna görə musiqi, rəqs, kulinariya xidmətləri var. İki oyun meydançası – “Zoom” və “Eye Play”, maskarad geyimləri otağı, kafe və istirahət zonası da həmçinin... Burada şənbə və bazar günləri 7+ yaş qruppuna aid “Super Chefs” adlanan kulinariya fəaliyyəti təşkil olunur. Həmçinin bazar günləri “Musiqi və rəqs” studiyasında 4 yaşdan yuxarı uşaqlar təlimçilərlə birlikdə müxtəlif səhnəciklər qururlar. “Drama” adlanan bu proqramda uşaqların sayı 4 olmalıdır”.

“Cosmo Land” uşaq əyləncə mərkəzinin meneceri Qasımova İrina yeni il proqramlarının uşaqlar üçün endirimli olacağını bildirib:  

“Şaxta baba burada balacalara yeni il hədiyyələrini vermək üçün səbirsizliklə gözləyir. Proqramlar isə dekabrın axırından başlayaraq yanvarın ortalarına qədər davam edəcək.  Yeni il gecəsində isə DJ, karaoke, fləşmob, ən əsası Şaxta baba və Qar qızın valideynlərlə uşaqlara 15 manatlıq hədiyyə menyusu təqdim edəcək. Menyuya daxil olan yeməkləri müştərilər özü seçəcək.

Bunu da oxu: Bakıda dietoloqlara ən çox kimlər müraciət edir? - QİYMƏTLƏR

“Biz Plus Madagascar” uşaq əyləncə mərkəzinin rəhbəri Şahin Cəbrayılov isə yeni ildə kimsəsiz uşaqlar üçün bayram proqramının hazırlandığını vurğulayıb.

Bakıda uşaq əyləncə mərkəzlərində xidmət və qiymətlər sərf edirmi? - ARAŞDIRMA, fotoşəkil-2

“Burada bütün növ oyun, əyləncə və 30-50 nəfərlik banket otaqları, zallar var. Menyuların qiyməti isə seçimdən asılı olaraq 1 nəfər uşaq üçün 15, valideyn üçün isə 15 manatdan 100 manata qədərdir. Kimsəsiz uşaqlar üçün xeyriyyə tədbirlərini həmişə keçirmişik, bu yeni il bayramı üçün də nəzərdə tutmuşuq ki, onları yenə mərkəzimizə dəvət edək. Oyun zallarında 30 dəqiqəlik əyləncə oyunların növünə görə 3-5 manat arasında dəyişir” deyən Ş.Cəbrayılov bildirib.  

Psixoloqların fikrincə oyunlar stressin azalmasına, uşağın emosional inkişafına müsbət təsir göstərir. Həmçinin, oyun sayəsində uşaqların təfəkkürü, fiziki bacarığı da artır. Dietoloqların fikrincə isə oyun zamanı aktiv fiziki hərəkətin uşaqların güclü və sağlıqlı formada böyümələrilə yanaşı,  onları piylənmə problemindən də xilas edir. 

Sonda oxucularımıza uşaq əyləncə mərkəzlərindəki qiymətləri təqdim edirik. 

Mərkəzin adı

Xidmət

Qiymət

"Megafun"

1. Şəhər turu
2. Əjdaha balası
3. "Magic Jungle" 
4. Qatar
5. "Max Flight"
6. "PopUPS" 
7. Atlar
8. Venesiya
9. Karaoke (30 dəq)
10. "Simworx" 
11. “Qorxu Tuneli”
12. “Dino Park”

1. 1,50 ₼
2. 1,50 ₼
3. 1,50 ₼
4. 1,00 ₼
5. 1,50 ₼
6. 1,50 ₼
7. 1,50 ₼
8. 1,50 ₼
9. 5,00 ₼
10. 1,50 ₼
 4.00 ₼
 1. 00 ₼

"Gym & Fun"

1. Oyun otaqları
2. Endirimlə
3. Uşaq menyusu

1. 3.00-5.00
2. 2.50
3. 7.40 ₼

"Bumblebee Kids Club"

"Cosmo Land"

1. Hədiyyə menyu

15.00 ₼

"Biz Plus Madaqaskar"

1. Uşaq menyusu
2. Oyun zalı

1. 15.00 ₼
2. 3.00-5.00 ₼

Hazırladı: Ramilə Qardaşxanqızı

Bakucity.az

Araşdırma Uşaq Əyləncə Mərkəzləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər