“Azercell” yeni kitab layihəsinin təqdimatını keçirdi - FOTOLAR

“Azercell” yeni kitab layihəsinin təqdimatını keçirdi - FOTOLAR, Javid

Abunəçilərə audio kitablar dinləmək imkanı yaradılıb.

Bakucity.az xəbər verir ki, “Azercell Plus Audio Kitablar: Mütaliənin doğma səsi” layihəsinin təqdimatı noyabrın 26-da “Bulvar Hotel”də keçirilib.

Təqdimatda “Bookmate” şirkətinin baş direktoru Andrey Bayev, Azərbaycanın xalq yazıçısı Çingiz Abdullayev, şair Qismət Rüstəmov kimi tanınmış simalar iştirak edib.

“Azercell” yeni kitab layihəsinin təqdimatını keçirdi - FOTOLAR, fotoşəkil-1

Tədbiri açıq elan edən Şirkətin Korporativ Ünsiyyət şöbəsinin rəhbəri Nigar Şıxlinskaya yeni layihə barədə iştirakçılara məlumat verib:

“Layihəni ilk dəfə 2016-ci ildə “Bookmate” rəqəmsal kitabxana formasında Azərbaycan ictimaiyyətinə təqdim etmişdik. O zaman abunəçilərə 18 dildə 48 min klassik, müasir və elmi-bədii, biznes ədəbiyyatı nümunələrini mobil cihaz üzərindən əldə etmək imkanı verilmişdi. Mobil telefon operatoru olaraq bu layihəni davam etməkdə məqsədimiz vaxtının çoxunu telefonla keçirən insanlar üçün bu cihazı daha yararlı etmək və mütailə mədəniyyətinə dəstək olmaqdır”.

“Azercell” yeni kitab layihəsinin təqdimatını keçirdi - FOTOLAR, fotoşəkil-2

“Azercellin Telecom”un prezidenti Vahid Mürsəliyev isə çıxışında qeyd edib ki, Azercell şirkəti tək biznes layihələrin həyata keçirilməsilə deyil, həm də mühüm sosial layihələrin həyata keçirməsində maraqlıdır. “Bilirsiniz ki, “Bookmate” "Azercell" şirkətinin eksklüziv layihəsidir, - o  bildirib: Bu layihə vasitəsilə biz 100000-dən artıq kitabı həm Azərbaycan, həm də xarici dillərdə istifadəçilərə təqdim etmişik. Bu gün isə “online” kitabxananın səsli versiyasını təqdim edirik. İlkin versiyada klassik ədəbiyyat nümunələrini təqdim etmişdik, bundan sonra isə müasir, çağdaş ədəbiyyat nümunələrinə də yer ayıracağıq. “Azercell” şirkəti bu cür layihələrlə həm gəncliyə, həm də təhsilə öz dəstəyini əsirgəməyəcək”.

“Azercell” yeni kitab layihəsinin təqdimatını keçirdi - FOTOLAR, fotoşəkil-3

“İnanırıq ki, məhz bu xidmət vasitəsilə biz mütaliə sevgisini aşılamış, təbliğ etmiş olacağıq. Audio kitab xidməti ictimai nəqliyyatda, avtomobillə gedərkən vaxtı səmərəli şəkildə keçirmək üçün əla vasitədir. Həmçinin, bu yolla uşaqlara da kitab sevgisini aşılamaq olar. Çalışacağıq ki, Azərbaycan dilində daha çox audio kitablar təqdim edək”, - bu sözləri isə “Bookmate” şirkətinin baş direktoru Andrey Bayev deyib

Tədbir “Rebus” teatrının repertuarında Uilyam Şekspirin “Hamlet” əsərindən kiçik səhnə ilə davam edib. 

“Azercell” yeni kitab layihəsinin təqdimatını keçirdi - FOTOLAR, fotoşəkil-4

Çıxışına zarafatyana giriş verən xalq yazışısı Çingiz Azbullayev qeyd edib ki, ilk dəfədir Şekspirdən sonra söz deyir. "Uşaqlarımız nə qədər çox kitab oxusa ölkəmiz o qədər çox inkişaf edəcək, o deyib: 

Bu günki telefonlar çoxfunksiyalıdır və biz bundan istifadə etməliyik. Bu layihə vasitəsilə nəinki Avropa ədəbiyyatını Azərbaycan dilində eşitmək, çox istərdim ki, Azərbaycan ədəbiyyatını da xarici dillərə tərcümə edib bu yolla bütün dünyada təbliğ edək. Mən öz kitablarımı “Azercell”ə ödənişsiz verəcəyəm, nə qədər istəyirsiniz audio şəkildə yayın”. 

“Azercell” yeni kitab layihəsinin təqdimatını keçirdi - FOTOLAR, fotoşəkil-5

Gənc şair və esseist Qismət Rüstəmov da tədbirdə çıxış edib, o, audio kitabların kağız kitablar üçün təhlükə olmadığını bildirib: “Umberto Ekonun məşhur müsahibələrindən birində belə bir söz var; kitab elə bir nəsnədir ki, təkər kimi, onu bir dəfə kəşf etdinsə ondan mükəmməlini kəşf etmək mümkün deyil. Əlbəttə ki, yazıçı üçün kitaba toxunmaq, onu kağız formada oxumaq bir başqadır, amma kitabı təbliğ edən, insanları kitaba, ədəbiyyata səsləyən bütün vasitələr məqbuldur”. 

Tədbirin sonunda “Rebus” teatrının repertuarında “Siçan Tələsi” əsəri izlənilib.

“Azercell” yeni kitab layihəsinin təqdimatını keçirdi - FOTOLAR, fotoşəkil-6

"Azercell"in bu xidmətinin ən böyük üstünlüklərindən biri budur ki, kitabları oxumaq üçün daimi internetə ehtiyac yoxdur. Yüklənən kitablar cihaza yox, abunəçinin şəxsi kitabxanasına əlavə olunur. “Azercell “Bookmate”dən istifadə edən ilk abunəçilərinə 1 həftəlik ödənişsiz istifadə imkanı da verir.

Hazırladı: Ramilə Qardaşxanqızı

Bakucity.az

Azercell BookMate
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər