Bakıda yol qəzasına qurban getməmək üçün nə etməli? - ARAŞDIRMA

"Bütün yol qəzalarının 65% -i piyadalarla əlaqəlidir" 

Elə bir gün yoxdur ki, Bakıda ağır yol-nəqliyyat qəzası baş verməsin. Sərnişin avtobusları, avtomobillər ya piyadaları vurur, ya da bir-birləriylə toqquşurlar. Bu qəzalar bir qayda olaraq insan itkisi ilə nəticələnir. Müxtəlif dövlət qurumları problemi həll etmək çalışırlar. Bu tədbirlər işə yarayırmı? Bakucity.az paytaxtda baş verən qəzaların əsas səbəblərini aydınlaşdırmağa çalışıb. 

İnsanlar  qəzəblərinə necə hakim olacaqlarını bilmirlər

"Meduna" psixoloji yardım mərkəzinin klinik-psixoloqu Könul Abbasova insanların yolda olarkən və xüsusilə harasa tələsəndə tez-tez aqressiv davrandıqlarını deyir: 

“Elə adamlar var, şəxsi “mən”lərini göstərmək onların xoşuna gəlir, onlar hətta sükan arxasında olanda, düşünmədən öz həyatlarını və ətrafdakıları təhlükəyə məruz qoyurlar”. 

"İnsan tələsəndə, - psixoloq davam edir: ona elə gəlir ki, hər saniyənin böyük hökmü var, mənfi əhval onu öz hakimiyyəti altına alır. Tıxacda qalan insanlar qəzəbdən od tutub yanır, sürücülər qarşılarında dayanan avtomobillərə siqnal verirlər, sanki bununla yolda hərəkət bərpa olunacaq. Əsəbi sürücülər emosiyalarının təsiri altında qaydaları kobudca pozurlar və s. Təəssüf ki, insanlarımız hələ də qəzəblərinə necə hakim olacaqlarını bilmirlər”, - deyə K.Abbasova açıqlayıb. 

Psixoloqun sözlərinə görə, şəhərimizdə əksər insanlar ciddi stresdən əziyyət çəkirlər, çünki psixoloqlara az müraciət edirlər, bu xoşagəlməz vəziyyət isə aqressiyasını daha da çoxaldır. 

"İnsanların hansısa şəxsi və ya ailə problemlərinin olduğu aydındır. Vaxtında mütəxəssis köməyinə müraciət etməyəndə, stres getdikcə toplanır və nəticədə üst-üstə yığılan qəzəb yollarda qəzalara səbəb olur”, - Abbasova bildirib.

Ekspert onu qeyd edib ki, bu gün sərnişindaşıyan avtobusların sürücüləri daxil olmaqla, bir çox sürücülər narkotik maddə və ya spirtli içki qəbul etdikdən sonra sükan arxasına keçirlər, yerli sürücülər tez-tez qaydaların elə pozulmaq üçün olduğunu düşünürlər: 

“Bütün bunlar isə təəssüf ki, bu gün Bakı küçələrində gördüyümüz pis hadisələrlə nəticələnir. Piyadalar və sürücülər yol-hərəkəti qaydalarına əməl etsələr, bir çox problemlərdən xilas olmaq olardı”.

“Bu il 100 000 insan hər biri 20 manat olmaqla cərimələnib”

Paytaxt yollarında baş verən qəzalarının əsas səbəblərini öyrənmək üçün Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədova  müraciət etdik. Onun sözlərinə görə, qəza statistikası keçən ilə nisbətən bu il əhəmiyyətli dərəcədə azalıb:

 “Qeyd etmək istərdim ki, yol polisi tərəfindən həyata keçirilən müxtəlif tədbirlər nəticəsində şərnişindaşıyan avtobuslarda qəza halları azalıb. Qaydalara daha çox riayət olunsa, nəticələr daha da yaxşı olacaq. Bunun üçün bütün yol istifadəçilərinin yol qaydalarına riayət etməsi zəruridir”. 

Rəsmi, baş verən çoxsaylı qəzaların əsasən yol-hərəkət qaydalarını pozan piyadalarla əlaqədar olduğunu vurğulayıb:

"Yol qəzaların 65%-i piyadalarla əlaqəlidir. Yol keçən insanlar çox vaxt diqqətsiz davranırlar, buna görə də xəsarət alanların statistikası çox yüksəkdir. Təkcə bu il 100 000 insan hər biri 20 manat olmaqla cərimələnib. Əməkdaşlarımızın müvafiq tədbirlər görməsinə baxmayaraq, vətəndaşlar qayda pozuntularına görə cərimə edilir, bu statistika da artmaqda davam edir. "İnzibati Xətalar Məcəlləsi"ndə  piyadaların piyada keçidlərindən kənar yerlərdən keçməsi üçün 20 manat cərimə nəzərdə tutulur. Bu məlumatlar bütün mətbuatda yayılıb, lakin insanlar qaydaları pozmaqda davam edirlər", - deyə rəsmi fikrini tamamlayıb. 

"Ehtimallarla hərəkət etmək olmaz"

Yol hərəkəti qaydaları üzrə mütəxəssis Elməddin Muradlı onda olan məlumatlara görə, son zamanlarda yol qəzalarının yalnız paytaxtda deyil, ölkə üzrə kəskin şəkildə artdığını deyir: “Təəssüf ki, son vaxtlar avtomobil qəzalarında ölənlərin sayı da çoxalıb. Bu ağrılı statistikadır”.

Ekspertin sözlərinə görə, sürücülərin hava şəraitində tez-tez baş verən dəyişikliklərə hazır olmaması, xüsusilə güclü yağışlar zamanı ağır yol qəzaları ilə nəticələnir: 

"Yağışlı, güclü küləkli və qarlı havalarda sürücülərin yollarda yetərincə diqqətli olmaması ağır qəzalara səbəb olur. Sürücülər hava haqqında əvvəlcədən məlumatlı olmalıdırlar, bu onlara yol şərtlərinə uyğunlaşmağa kömək edər. Ehtimallarla hərəkət etmək olmaz, yol-hərəkəti qaydalarını düzgün yerinə yetirmək lazımdır”. 

Elməddin Muradlı qeyd edib ki, şəhər yollarında acınacaqlı qəza statistikasına səbəb olan problemlər çoxdur. 

“Şəhərdə elə küçələr var, piyada keçidlərində işıqforları işləmir, nəticədə tez-tez yol-nəqliyyat qəzaları baş verir. Məsələn, “Binə Ticarət Mərkəzi” yaxınlığında və Hanifə Ələsgərova küçəsində belə vəziyyət yaranıb. Bir gün ərzində müxtəlif yerlərdən işıqforların işləmədiyi xəbəri gəlir

Yol polisləri həmişə həmin yerlərdə olmalıdırlar ki, yol hərəkəti qaydalarını tənzimləsinlər".

Beləliklə, Bakucity.az-a məlum olub ki, paytaxt yollarında ümumi diqqətsizlik və səhlənkarlıqdan qaynaqlanan problemlər nəticəsində ağır qəzalar və ölüm hadisələri baş verir. Bakıdakı acınaqlı qəza statistikasını aradan qaldırmaq üçün mütəxəssislər və rəsmilər qaydalara əməl edilməsinin və məsuliyyətli davranmağın həyati əhəmiyyət kəsb etdiyini vurğulayırlar. 

Hazırladı: Züleyxa İsmayılova

Bakucity.az

Araşdırma Bakı yolları
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Banklar kredit verməyi niyə dayandırıb? Bəzi vətəndaşlar Azərbaycanda fəaliyyət göstərən bankların istehlak və biznes kreditlərinin verilişini dayandırdığını bildirir. Müştərilər müraciət etdiyi bir neçə bankdan ayın sonunadək kredit verilişinin dayandırıldığı cavabını alıblar. BakuCity.az-ın məlumatına görə, məsələ ilə bağlı Mərkəzi Bankın mətbuat xidmətindən Modern.az-ın sorğusuna cavab olaraq bildirilib ki, koronavirus (COVID-19) pandemiyası və bundan i...
Cəmiyyət
Karantin rejimini pozan şəxslərə qarşı tədbirlər davam etdirilir Nazirlər Kabineti yanında Operativ Qərargahın koronavirus infeksiyasının geniş yayılmasının qarşısının alınmasına dair əlavə tədbirlər haqqında qərarına uyğun olaraq, nəzərdə tutulan tədbirlər davam etdirilir. Bakı Şəhər Baş Polis İdarəsindən BakuCity.az-a verilən məlumata görə, Daxili İşlər Nazirliyinin əməkdaşları tərəfindən koronavirus (COVID-19) infeksiyasının geniş yayılmasının qarşısını...
Cəmiyyət
Ağırlaşma halları yoxdur Naxçıvanda indiyədək 18 nəfərdə koronavirus aşkarlanıb. Bu barədə BakuCity.az-a Naxçıvan Muxtar Respublikası Səhiyyə Nazirliyindən məlumat verilib. Qeyd olunub ki, ölkədə tətbiq olunan karantin rejiminə uyğun olaraq 2896 nəfər Naxçıvan MR-də nəzarətdə saxlanılır. Onlardan 536-sı ölkənin digər bölgələrindən olan və muxtar respublikaya gələn şəxslərdir. Bildirilib ki, bu günə qədər 630 şübhəli şəxsdə test yoxlamaları aparılıb. Təkrar...
Kriminal
“Diska Nəriman” adı ilə tanınır Zaqatala sakinini bıçaqlayan şəxs tutulub. BakuCity.az APA-ya istinadən məlumat verir ki, Zaqatala rayon Polis Şöbəsi əməkdaşlarının həyata keçirdiyi əməliyyat-axtarış tədbirləri nəticəsində ötən gün Car kənd sakini, 1996-cı il təvəllüdlü İsmayıl Məhəmməd oğlu Musayevi bıçaqlayaraq hadisə yerindən qaçan, əvvəllər məhkum olunmuş Nəriman Kərim oğlu Qurbanəliyev tutulub.   Qeyd edək ki, məlum hadisə ötən gün axşam saatlarında r...
Cəmiyyət
7 nəfər vəfat edib Azərbaycanda koronavirusa yoluxan insanların adını çəkmək tibbi etikaya sığmır. BakuCity.az-ın məlumatına görə, bunu TƏBİB-in İdarə Heyətinin sədri Ramin Bayramlı deyib. O bildirib ki, adların açıqlanması həmin insanların şəxsi hüquqlarının pozulması deməkdir: “Hətta koronavirusdan sağalan insanlarla bağlı onların razılığını alaraq məlumat veririk”. Qeyd edək ki, hazırkı dövrədək ölkəmizdə 584 nəfərin koronavirus infeksiyasına yoluxması...
Cəmiyyət
Ürək çatışmazlığından ölüb “Tövbə” Cəmiyyətinin sədri, İmam Hüseyn məscidinin axundu Hacı Əbdül dünyasını dəyişib. BakuCity.az-ın məlumatına görə, Hacı Əbdül ürək çatışmazlığından vəfat edib. Mərhum bu gün "Qurd Qapısı" qəbiristanlığında dəfn ediləcək Hacı Əbdül 1940-cı ildə anadan olub. BakuCity.az
Hadisələr
65 yaşı vardı Ötən gün Bakıda yaşayış binasında yanğın zamanı qadının 4-cü mərtəbədən yıxılmasının görüntüləri yayılıb. BakuCity.az xəbər verir ki, hadisə Xətai rayonu, Süleyman Vəzirov küçəsi, 17 ünvanında yerləşən çoxmərtəbəli yaşayış binasında baş verib. Yanğın zamanı təşvişə düşən 1955-ci il təvəllüdlü Leyla Manafova nərdivanla aşağı enərkən yerə yıxılıb. Qadın ağır vəziyyətdə xəstəxanaya çatdırılsa da, onun həyatını xilas etmək mümkün olmayıb. BakuCi...
Cəmiyyət
TƏBİB COVID-19 infeksiyasına görə könüllü səhiyyə işçisi axtarır TƏBİB Azərbaycanda COVID-19 infeksiyasına qarşı mübarizə tədbirlərinə dəstək olmaq üçün bu prosesdə birbaşa iştirak etmək istəyən şəxslərin çoxsaylı müraciətlərini nəzərə alaraq səhiyyə işçilərini könüllü əməkdaşlığa dəvət edir. BakuCity.az xəbər verir ki, koronavirus xəstəliyi ilə bağlı müalicə üçün respublikanın müəyyən olunmuş müəssisələrində könüllü olaraq xidmət etmək istəyən səhiyyə işç...
İdman
May ayında Bakıda keçirilməsi planlaşdırılan paracüdo üzrə “İBSA Judo Grand Prix Baku 2020” təxirə salınıb. Milli Paralimpiya Komitəsindən BakuCity.az-a verilən məlumata görə, qurum Nazirlər Kabinetinin yanında Operativ Qərargahın koronavirusun Azərbaycanda geniş yayılmasının qarşısının alınmasına dair tövsiyələrə əsasən, Qran-prinin 2021-ci ildə keçirilməsi ilə bağlı “International Blind Sports Federation” (IBSA) ilə razılıq əldə olunub. Anlaşmaya əsasən,...