"Sportinq"in Bakıda qələbə qazanacağına heç bir şübhəm yoxdur"

"Sportinq"in Bakıda qələbə qazanacağına heç bir şübhəm yoxdur"

"Azərbaycana uyğunlaşmaqda çətinlik çəkirdim..."

Bakucity.az xəbər verir ki, “Xəzər Lənkəran”ın sabiq hücumçusu Renato Keyruş belə deyib. 2008/2009 mövsümündə “ağ-yaşıllar”ın formasını geyinmiş portuqaliyalı veteran futbolçu Avropa Liqasının qrup mərhələsinin 5-ci turunda bu gün “Qarabağ”la qarşılaşacaq “Sportinq”in şanslarını dəyərləndirib:

“Onlar Avropa Liqasında yaxşı işlər görürlər. Düşünürəm ki, Bakı səfərində öz məqsədlərinə nail olmaq üçün hər bir şaraitləri var”.

“Xəzər Lənkəran”a keçidi haqda da danışan 41 yaşlı keçmiş forvard ölkəmizdəki karyerasını xatırlayıb:

“Təkliflərim var idi, amma həmin vaxt bir menecer Azərbaycan klubunun mənimlə maraqlandığını dedi. Açığı, sürpriz oldu. Bakı haqda məlumat topladıqdan sonra razılaşdım”.

R.Keyruş Azərbaycan futbolunun indiki durumuna da toxunub:

“Vəziyyət 2008-ci illə müqayisə oluna bilməz. 10 il əvvəl belə uzaq ölkəyə köçmək çətin, futbol bazarı isə fərqli idi. Oyunçuların gedə biləcəyi yeganə yer Kipr idi. Avropa, Asiya və Amerikanın qalan hissəsi ilə bağlı variant, demək olar mümkünsüz idi. Azərbaycana uyğunlaşmaqda çətinlik çəkirdim, ancaq oranın mədəniyyətini tanıdan və evini üzümə açan Füzuli ilə dostluq etdim. O, mənim oynamağa layiq olan yeganə futbolçu olduğumu deyirdi”.  Qol.az

Bakucity.az

"Sportinq" futbol
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər