Bakıda keçən illərlə müqayisədə hostel biznesi çiçəklənir
Hоstel yataqxana prinsipləri əsasında tikilmiş və sərfəli qiymətə qalmaq üçün yaşayış yeridir. Hosteldə otaqların əksəriyyəti çoxyerlidir. Bir qayda olaraq, burada ikimərtəbəli çarpayılar quraşdırılır, 4 nəfərdən 20 nəfərədək insan eyni vaxtda hosteldə qala bilir. Bakıda turizmin çiçəklənməsi səbəbindən hostellərin sayı da artmaqdadır. Bakucity.az bu dəfə oxucuları üçün Bakıdakı hostelləri, onların qiymətlərini və xidmətlərini araşdırıb.
Bakı hostellərində şərait necədir?
"Mehmanxana ilə müqayisədə hostelin əsas üstünlüyü onun qiymətinin bir neçə dəfə aşağı olmasıdır. "Sherlock Holmes" hostelinin inzibatçısı Zamiq Həsənov Bakucity.az-la söhbətində deyir:
“Amma bu, heç bir halda göstərdiyimiz xidmətin keyfiyyətinə təsir etmir. Hоstеlimizdə qalanlara yaxşıca dincəlmək üçün hər bir şərait var. "Sherlock Holmes" hostelində 5 rahat nömrə və mətbəx var. Mətbəxdə bütün lazımi müasir avadanlıqlar mövcuddur”.
