Bakıda müəlliməni şantajla hədələyən sevgililər həbs edildi

Bakıda müəlliməni şantajla hədələyən sevgililər həbs edildi, Javid

Qadını şantaj edən şəxslər hakim qarşısına çıxarılıb

Bakucity.az  xəbər verir ki, Bakı Ağır Cinayətlər Məhkəməsində hədə-qorxu ilə tələb etmədə təqsirləndirilən Yaqub Zalov və Səkinə Hümbətovanın cinayət işi üzrə məhkəmə iclası keçirilib.

Prosesdə hökm oxunub. Hökmə əsasən Zalov 5 il müddətinə azadlıqdan məhrum edilib. Səkinə Hümbətovaya isə şərti cəza verilib.

Xatırladaq ki, hadisə bu ilin mart ayında baş verib. Bakı şəhər sakini Y.Zalov paytaxt sakini A.M barəsində rüsvayedici məlumatlar yayacağı ilə hədələyib ondan 5100 manat pul manat alıb.

Növbəti dəfə isə martın 12-də Suraxanı rayonunun Hövsan qəsəbəsində Y.Zalov yenidən həmin qadını hədələyib.

500 manat alarkən Bakı şəhər Baş Polis İdarəsinin əməkdaşları tərəfindən saxlanılıb.

Y.Zalov bu əməli sevgi münasibətində olduğu S.Hümbətova ilə birgə törətdiyi üzə çıxıb və hər ik şəxs həbs edilib. 

Zərərçəkmiş qadın Bakı şəhərində məktəblərin birində müəllimə işləyir.

Bakucity.az

Məhkəmə hökm
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər