Bakıda satılan yumurta ilə bağlı əhaliyə xəbərdarlıq

Bakıda satılan yumurta ilə bağlı əhaliyə xəbərdarlıq , Javid

İddialar doğrudurmu? 

Bakucity.az xəbər verir ki, Sentyabr ayının sonlarından başlayaraq, ölkədə, xüsusilə paytaxt Bakıda yumurta qıtlığı yarandığı bildirilir. Yayılan qeyri-rəsmi xəbərlərə görə, xəstəliklər səbəbindən quşçuluq təsərrüfatlarında bəslənən quşlar tələf olub və təsərrüfatlar zərərlə işləyir. Amma rəsmilər bunu təkzib ediblər. Yerlərdən aldığımız məlumatlara görə, Siyəzən və Hacıqabulun quşuçuluq təsərrüfatlarında quşların kütləvi tələf olması halları qeydə alınıb.

Qida Təhlükəsizliyi Agentliyi məsələ barəsində açıqlama verib və faktı bir daha təkzib edib:

"Hazırda Azərbaycanın quş əti və yumurta istehsalı potensialı kifayət qədər yüksəkdir. Mövsümlə əlaqədar satış məntəqələrində bu məhsullara tələbat artıb. Buna baxmayaraq quş əti və yumurtaya olan tələbat ödənilir. 

İndiyədək aparılan monitorinqlər zamanı xəstəlik əlamətləri müşahidə edilən və ya tələf olan quşa rast gəlinməyib".

Amma modern. az saytının əməkdaşı paytaxtın bir neçə iri marketdə apardığı müşahidələr bunun tam əksini deməyə əsas verir. Doğrudur, qiymətlərin süni artımı aradan qaldırılıb. Sentyabr-oktyabr aylarında ədədi 20-22 qəpiyədək bahalaşan yumurtanın qiyməti hazırda 17 qəpik civarındadır. Amma qıtlıq hələ də qalır. Qıtlıq olmasaydı, daxili istehsalı rəsmi rəqəmlərdə 100 faizi keçən yumurta, istehlakçıya limitlə satılmazdı.

Qaraçuxur qəsəbəsində yerləşən "Xəzər" supermarketində 30 ədəd yumurta almaq istəyən vətəndaşa, satıcı bunun mümkünsüz olduğunu bildirib:

"Rəhbərliyin xüsusi göstərişi var. Yumurta bir şəxsə yalnız 20 ədəd olmaqla satılır. Əvvəl hələ limit 10 idi. Ölkədə yumurta yoxdur. Biz də çalışırıq ki, müraciət edən hər bir vətəndaşın tələbatını qismən də olsa ödəyək. Narazılıqlar var, amma bunun həlli bizdən asılı deyil". Xəbəri modern.az yayıb.

Bakucity.az

AQTA yumurta
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər