Bakıda icra başçısı iki şöbə müdiri təyin etdi - FOTO

Bakıda icra başçısı iki şöbə müdiri təyin etdi - FOTO

Yeni təyinatlar olub

Bakucity.az xəbər verir ki, Binəqədi Rayon İcra Hakimiyyətinin (RİH) İctimai-siyasi və humanitar məsələlər şöbəsinə yeni müdir təyin olunub.

RİH-dən verilən məlumata görə, icra başçısı Elxan Allahverdiyevin əmri ilə Nicat Elman oğlu Allahverdiyev İctimai-siyasi və humanitar məsələlər şöbəsinin müdiri təyin olunub. N.Allahverdiyev bu vəzifəyə qədər Binəqədi RİH-nin İnformasiya təminatı və təhlil sektorunun müdiri vəzifəsində çalışıb.

Bunu da oxu: Bakı merinin həll etməli olduğu 5 ən vacib problem 

İcra başçısının digər əmri ilə Aynur Hüseyn qızı Quliyeva İnformasiya təminatı və təhlil sektorunun müdiri təyin olunub. A.Quliyeva isə buna qədər Binəqədi RİH-nin Sənədlərlə və vətəndaşların müraciətləri ilə iş şöbəsində dəftərxana işinin aparıcı məsləhətçi vəzifəsində çalışıb.

Xatırladaq ki, sabiq icra başçısı Xaləddin İsgəndərovun 2015-ci ilin oktyabr ayında Binəqədi Rayon İcra Hakimiyyətinin İctimai-siyasi və humanitar məsələlər şöbəsinə müdir vəzifəsinə təyin etdiyi Elman Dadaşovu bu ilin noyabr ayında yeni icra başçısı Elxan Allahverdiyev işdən azad edib.

Bakıda icra başçısı iki şöbə müdiri təyin etdi - FOTO, fotoşəkil-1

Bakucity.az

Təyinat
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər