Bakıda haker cinayət başında yaxalandı

Bakıda haker cinayət başında yaxalandı

Yerli bankların 100-dən çox müştərisi qarət edilib

Bakucity.az xəbər verir ki, daxili işlər orqanları tərəfindən informasiya texnologiyalarından istifadədə törədilən kibercinayətlərlə mübarizə istiqamətində növbəti əməliyyat tədbiri keçirilib.

DİN-dən verilən xəbərə görə, Baş Mütəşəkkil Cinayətkarlıqla Mübarizə İdarəsinə xüsusi kiberproqramlardan istifadə edilməklə yerli bankların 100-dən çox müştərisinə məxsus kartlardan 85000 manat pulun şəxsi hesablara köçürülməsi və nağdlaşdırılması məlumatı daxil olub.

Baş İdarə əməkdaşları tərəfindən keçirilən tədbirlər nəticəsində, əməli törətməkdə şübhəli, əvvəllər də məhkum olunan Bakı şəhər sakini Səddam Nəzərli saxlanılıb və yaşadığı mənzildən elektron sübutlar və iş üçün əhəmiyyətli dəlillər götürülüb. Həmin texniki avadanlıqların yaddaşında müxtəlif şəxslərə məxsus bank hesabları və kart məlumatları aşkarlanıb. 

Faktla bağlı Baş İdarənin İstintaq Şöbəsində Cinayət Məcəlləsinin 177-ci (oğurluq) və 272-ci (kompyuter məlumatlarını qanunsuz ələ keçirmə) masddələri ilə cinayət işi başlanılıb.

Bakucity.az

haker cinayət banklarda
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər